Wildberries nazvała «skałanańniem pavietra» čutki pra zapusk joj taksi
Kampanija Wildberries adreahavała na čutki pra chutki zapusk servisu taksi ŭ Biełarusi, nazvaŭšy hetyja paviedamleńni pieradčasnymi, paviedamlaje Myfin.by.

U pres-słužbie kampanii adznačyli, što pakul zanadta rana kazać pra start prajekta, bo heta składany i šmatstupienny praces, jaki patrabuje ŭvažlivaha prachodžańnia ŭsich etapaŭ i technałahičnych rašeńniaŭ.
Wildberries padkreśliła, što ŭžo daŭno pierarasła ramki prostaha markietpłejsa i ciapier źjaŭlajecca sučasnaj Big Tech kampanijaj, jakaja pastajanna vyvučaje patreby rynku i šukaje pierśpiektyŭnyja napramki raźvićcia.
Infarmacyja ž pra zapusk taksi — heta, maŭlaŭ, tolki «skałanańnie pavietra» i imknieńnie niekatorych ŚMI da siensacyi. Kali ŭ Wildberries buduć hatovyja padzialicca kankretnymi navinami, to jany abaviazkova heta zrobiać, zapeŭnivaje pres-słužba kampanii.
Kamientary