Na katalickich mohiłkach kala sanktuaryja ŭ Hudahai ŭ Astravieckim rajonie vyjavili źniknieńnie niekalkich mietaličnych kryžoŭ, piša Katolik.life.
Pra źniknieńnie kryžoŭ 9 červienia paviedamiła parafija i zaprasiła miascovych viernikaŭ naviedać mahiły svaich blizkich, kab pierakanacca ŭ ich zachavanaści:
«Kali vyjavicie adsutnaść kryža abo inšyja źmieny, ci vałodajecie važnaj infarmacyjaj, nieadkładna paviedamicie ŭ milicyju».
U parafii zaklikali razam pakłapacicca pra zachavańnie śviataści mohiłak i ŭšanavańnie pamiaci prodkaŭ:
«Molimsia, kab Božaja łaska napoŭniła našy sercy spakojem i siłaj dla zachavańnia śviatych miescaŭ našaj supolnaści».
Milicyja rehijona pakul ničoha nie paviedamlała pra zdareńnie, ale, vierahodna, kryžy skrali «mietalisty».
Heta źjava, na žal, raspaŭsiudžanaja — padobnym vandalizmam zajmajucca ludzi, jakija adłomvajuć kryžy z pomnikaŭ i zdajuć ich za hrošy jak kalarovy mietał.
Ciapier čytajuć
Pahražaŭ vajskoŭcam raskryć, chto ź ich homaseksuał, kab vypytać sakrety i pradać Ukrainie. Voś za što adyjozny funkcyjanier BRSM atrymaŭ 17 hadoŭ kałonii12
Kamientary