Hramadstva22

U Kryčavie vykankam źbiraje danaty na novyja prypynki

U Kryčavie Mahiloŭskaj vobłaści staršynia rajvykankama Alaksiej Šaraj praz TikTok zaklikaŭ miascovych žycharoŭ i arhanizacyi sabrać hrošy, kab pastavić novyja aŭtobusnyja prypynki. Šmat chto aburyŭsia prośbie — a dzie biudžetnyja srodki?

Zaklik skinucca na prypynki prahučaŭ u videa, apublikavanym u sacsietkach vydańnia «Kričievskaja žizń». U im staršynia Kryčaŭskaha rajvykankama Alaksiej Šaraj paviedamiŭ, što ŭ rajonie praciahvajecca zbor hrošaj na ŭstanoŭku novych prypynkaŭ hramadskaha transpartu i paprasiŭ hramadzian dałučycca. 

«Na siońnia sabrana kala 31 tysiačy rubloŭ. Prośba ŭsim — jak hramadzianam, tak i pradpryjemstvam i arhanizacyjam — pryniać aktyŭny ŭdzieł u zbory srodkaŭ. Lubaja suma budzie vitacca», — skazaŭ Šaraj u svaim zvarocie.

Pad videa raźmieščany rekvizity dla pieravodu hrošaj — rachunak UKPP «Kamunalnik», jaki adkazvaje za ŽKH u Kryčavie i rajonie. U pryznačeńni płaciažu prosiać paznačyć: «Dapamoha na dobraŭparadkavańnie horada».

Inicyjatyva miascovych uładaŭ vyklikała dyskusiju ŭ kamientarach. Mnohija vykazali abureńnie — čamu finansavańnie bazavych infrastrukturnych patreb kładziecca na plečy hramadzian? Heta ž adna z funkcyj miascovych orhanaŭ ułady, jakaja finansujecca ź biudžetu, u tym liku za košt padatkaŭ ludziej. 

«Voś tak voś i žyviom, padachodny padatak, prafsajuzny, piensijny, padatak za nieruchomaść, ziamlu, transpartny padatak, padatak za žyvioł, na poštu idzieš płacić kamunałku albo na mabilny pakłaści — zapłaci kamisiju, dziciačy sad apłaci, za padručniki płaci, i h. d, za ŭsio płacim, mała jašče — prosiać na prypynačnyja paviljony, prosta niama słoŭ, adny emocyi».

«Prapanuju zakanadaŭča płacić za pavietra… 30% našych zarobkaŭ pojduć nam na karyść, baćka viedaje, kudy ich patracić».

«A vy ŽKH aštrafujcie za niakošanuju travu, tolki nie na 20 b.v. jak pryvatny dvor, a ŭ piacirazovym pamiery za kožny lišni santymietr, voś i buduć vam hrošy na dobraŭparadkavańnie horada!»

«Dziaržava ź mianie štomiesiac padachodny padatak atrymlivaje, ź jakoha nita ja jamu jašče niešta vinien?» — «Skažu bolš: jašče i z kožnaj vašaj pakupki ŭ kramie dziaržava atrymlivaje PDV». 

«Prašu vyšejstajačych čynoŭnikaŭ pabudavać prypynki za košt rabotnikaŭ rajvykankama, pazbavić ich premij, a srodki nakiravać na paviljony».

«A ja źbiraju na daču. Płaču sumlenna padatki. Mnie rajvykankam nie dapamahaje zusim!»

«A navošta tady dziaržava padatki źbiraje i kožny hod novyja prydumlaje?» — «Na zarobki ministraŭ». — «Siamja ž raście. A na heta treba bolš zołata».

«Moža lepš dzietkam dapamahčy sa zborami na vakcyny??? A prypynki pačakajuć». 

«Ludzi ŭ sadok zdajuć hrošy, u škoły, u balnicy płaciać, a tut jašče na prypynki davaj».

«A potym skiniemsia i kupim aŭtobusy, i adrazu padymuć canu za prajezd», — pišuć u kamientarach. 

Kamientary2

  • kłasik
    11.06.2025
    A Ryžankoŭ i łuka buduć vam raskazvać pra zaniapad na zachadzie - ale čamuści na zachadzie nichto hrošy na prypynki praz tyktok nie sabiraje ;)
  • daviedka
    11.06.2025
    Pusť časy prodast priedsiedatiel rajispołkoma i otkažietsia ot słužiebnoho avto.
 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

Ciapier čytajuć

«Niekatorym ludziam varta źniać ružovyja akulary». Lavončyk — pra Mielnikavu, uciečku ŭ «Bajchełp», biełyja palito i hrošy na 1300 palitviaźniaŭ10

«Niekatorym ludziam varta źniać ružovyja akulary». Lavončyk — pra Mielnikavu, uciečku ŭ «Bajchełp», biełyja palito i hrošy na 1300 palitviaźniaŭ

Usie naviny →
Usie naviny

Minskija ŭłady prakamientavali čutki pra admienu stancyi mietro «Prafsajuznaja»6

Intercars taksama admianiła rejs u Litvu

«Pojas krepaściaŭ» na Danbasie: čamu jon važny dla Ukrainy1

Što adbyvajecca z kvitkami na aŭtobusy ź Minska ŭ Vilniu paśla masavaj admieny rejsaŭ? Heta niešta nienarmalnaje19

Pastaŭki nafty pa naftapravodzie «Družba» ŭ Jeŭropu znoŭ spynilisia3

Kim Čen Yn uznaharodziŭ vajskoŭcaŭ, što vajavali z Ukrainaj8

Chłopiec paskardziŭsia, što praz kałaps na miažy nie moža vyjechać z Varšavy ŭ Minsk. Biełarusy padzialilisia łajfchakami9

Biełarusy ŭ sacsietkach aburajucca, što dekretnicam nibyta płaciać bolš, čym tym, chto chodzić na pracu30

Bum na bikini-strynhi. Heta bodzipazityŭ ci niešta inšaje?28

bolš čytanych navin
bolš łajkanych navin

«Niekatorym ludziam varta źniać ružovyja akulary». Lavončyk — pra Mielnikavu, uciečku ŭ «Bajchełp», biełyja palito i hrošy na 1300 palitviaźniaŭ10

«Niekatorym ludziam varta źniać ružovyja akulary». Lavončyk — pra Mielnikavu, uciečku ŭ «Bajchełp», biełyja palito i hrošy na 1300 palitviaźniaŭ

Hałoŭnaje
Usie naviny →

Zaŭvaha:

 

 

 

 

Zakryć Paviedamić