Łukašenka zahavaryŭ pra prarasijskaść Cichanoŭskaha, bajučysia nazvać jaho imia
Alaksandr Łukašenka na ŭračystym schodzie, pryśviečanym 3 lipienia, zhadaŭ pra niadaŭniaje vyzvaleńnie palitviaźniaŭ u ramkach damoŭlenaści z amierykanskim bokam.
Łukašenka zapeŭniŭ, što inicyjataram pieramovaŭ byli amierykancy.
Pry hetym, jak jon śćviardžaje, amierykancy nibyta nie prasili vypuskać Siarhieja Cichanoŭskaha, bo ličać jaho «prarasijskim».
Vypuściŭ ža jaho Łukašenka, maŭlaŭ, pa svajoj inicyjatyvie.
Łukašenka pabajaŭsia nazyvać Cichanoŭskaha pa proźviščy, apisaŭ jaho «adzin ź biehłych, jakoha asabista ja vypuściŭ».
Uśled za hetym Łukašenka zhadaŭ i pres-kanfierencyju Cichanoŭskaha, i jaho šmatlikija zajavy paśla vyzvaleńnia:
Nibyta «amierykancy paabiacali — nichto nidzie ŭ ŚMI vystupać nie budzie. I tolki vyjechali, vyjšli z busika — i adrazu zajavy ŭ ŚMI. Rydańni hetyja. A my viedajem, chto i jak ich nočču rychtavaŭ».
Admietna, što biełaruskija dziaržaŭnyja miedyja nie aśviatlali pres-kanfierencyju Siarhieja Cichanoŭskaha, tamu ich aŭdytoryja tearetyčna nie pavinna viedać, pra što kazaŭ eks-paliviazień. Adnak Łukašenka apieluje da tych, chto čytaje naviny ŭ sacsietkach i ŭ niezaležnych ŚMI.
«Łukašenka nikoli ničoha nie baicca». Chrenin zajaviŭ, što vučeńni «Zachad-2025» i nie źbiralisia pravodzić na miažy z NATA
Siarhiej Cichanoŭski pieradaŭ vitańnie čytačam «Našaj Nivy» i raskazaŭ, što maryć palepšyć svaju biełaruskuju movu
Łukašenka zajaviŭ, što hatovy dać adkaz na ahresiŭnyja vypady z-za miažy
Ciapier čytajuć
U Sule adznačyli Kupalle. Haściej było stolki, što na darohach utvarylisia zatory6
Kamientary