Na 72-m hodzie pajšoŭ z žyćcia Mikoła Lucko — kolišni siabra Upravy Zhurtavańnia biełarusaŭ śvietu «Baćkaŭščyna» i siabra Rady Zhurtavańnia ad samaha zasnavańnia arhanizacyi.
Pra śmierć adnaho z samych aktyŭnych i inicytyŭnych paplečnikaŭ paviedamiła ZBS «Baćkaŭščyna».
Mikoła Lucko naradziŭsia 5 sakavika 1954 hoda ŭ Poŭstyni Słuckaha rajona.
Byŭ ekanamistam pa adukacyi, skončyŭ Instytut narodnaj haspadarki (siońnia BDEU). Pracavaŭ namieśnikam hałoŭnaha buchhałtara ŭ Dziaržaŭnym płanavym kamitecie BSSR, Dziaržkamnaftapraducie BSSR, dziaržaŭnym ahrapramysłovym kamitecie, kiraŭnikom adzieła — namieśnikam kiraŭnika ŭpraŭleńnia pa ekanamičnych pytańniach, arhanizacyi ŭliku i kantrolu
U 1988—1991 hadach byŭ u kamandziroŭcy pa linii Ministerstva zamiežnych spravaŭ SSSR u Hienkonsulstvie SSSR u Kitai (Šanchaj), śpiecyjalistam u halinie ekanomiki ( płanavańnia, finansavańnia, buchhałtarskaha ŭliku).
Z 1993 h. pracavaŭ u niedziaržaŭnych vytvorčych i kamiercyjnych strukturach. U 1992 h. byŭ adnym sa stvaralnikaŭ hramadskaj arhanizacyi «Zhurtavańnie pradprymalnikaŭ Biełarusi»
Z 1993 h. — siabra Mižnarodnaha hramadskaha abjadnańnia «Zhurtavańnie biełarusaŭ śvietu «Baćkaŭščyna».
Pavodle papiaredniaj infarmacyi, raźvitańnie adbudziecca ŭ čaćvier, u rytualnaj zali na Alšeŭskaha, 12.
«Jana daŭnavata ŭ Biełarusi». Baćka Anžaliki Mielnikavaj pryznaŭsia, što jana žyvaja i zdarovaja90
Kamientary