Namieśnica ministra adkazała, čamu ŭ kramach pamidory horšyja, čym na rynkach
Namieśnica ministra antymanapolnaha rehlavańnia i handlu Śviatłana Karatkievič 23 lipienia dała pres-kanfierencyju. Siarod pytańniaŭ, jakoje joj zadali, było takoje: čamu ŭ kramach pamidory horš, čym na rynkach?
Jak śćviardžajuć spažyŭcy, pamidory, jakija pradajuć u kramach, vyhladajuć niaśpiełymi, a voś na rynkach pradajucca pryhožyja, smačnyja i duchmianyja. Śviatłana Karatkievič, adnak, ličyć, što «nie ŭsio tak adnaznačna».
«Na rynkach pracuje handal pryvatnaj formy ŭłasnaści — IP, fiermiery, fizasoby. I, pahadziciesia, siońnia vyraścić navat 100 kiłahramaŭ — heta na paradak mienš vydatkaŭ. Jak fizičnych, tak i materyjalnych.
Ale ja b chacieła stać na abaronu našaha handlu. Čaściakom heta dobryja i jakasnyja pradukty. Ale byvajuć i niuansy. I my hetyja niuansy taksama adznačajem. Ale najpierš heta śviedčyć pra łakalnyja momanty, pra toje, što ŭ kankretnym handlovym abjekcie niama haspadyni. Niama čałavieka, jaki sačyŭ by [za tavaram]. Heta śviedčyć pra niajakasnuju pracu kankretnych jak kramy, tak i čałavieka.
Ale čaściakom, kali brać płodaaharodninnuju pradukcyju, my kuplajem nie na rynku, a ŭ handlovych abjektach. Tamu tut nie ŭsio tak adnaznačna», — skazała namieśnica ministra.
Ciapier čytajuć
Stała viadoma, dzie pracuje favarytka Łukašenki Uładlena Zajcava8
Kamientary