MARH praciahvaje treści «Tabakierki» Aleksina: paśla papiaredniaj pravierki parušeńniaŭ stała jašče bolš
Ministerstva handlu druhi raz za paŭhoda praviało maštabnyja rejdy pa «Tabakierkach».
Ministerstva antymanapolnaha rehulavańnia i handlu praviało novuju sieryju rejdaŭ pa «Tabakierkach». Vyniki atrymalisia jašče horšymi, čym było ŭ sakaviku.
MARH znajšoŭ parušeńni ŭ 45% kijoskaŭ, jakija trapili pad pravierku. Siarod ich raspaŭsiudžvańnie rekłamy ŭ vyhladzie listovak z parušeńniem pamieru šryftu, adkrytaja vykładka nietytuniovych nikacinaŭtrymalnych vyrabaŭ i ŭzoraŭ adnarazovych elektronnych sistem kureńnia ź nikacinaŭtrymalnymi vadkaściami, nievykanańnie pieraliku tavaraŭ, abaviazkovych da najaŭnaści dla realizacyi, nievykanańnie ŭstanoŭlenaha režymu pracy i inšyja.
Karać «Tabakierki» MARH pakul nie staŭ, ale nakiravaŭ rekamiendacyi pa likvidacyi parušeńniaŭ. Papiaredniaja pravierka «Tabakierak» prachodziła ŭ sakaviku, i tady parušeńni znajšli amal u kožnym trecim kijosku. To bok z taho času parušeńniaŭ stała bolš.
Nahadajem, «Tabakierki» naležać siamji nabližanaha da Viktara Łukašenki biźniesmiena Alaksieja Aleksina. Nie tak daŭno jon vioŭ tytuniovuju vajnu z Paŭłam Tapuzidzisam, u vyniku praihrali abodva.
60‑hadovaja pjanaja biełaruska pieratvaryła palot z Paryža ŭ Vilniu ŭ kašmar3
Kamientary