Zialenski pra mahčymaść «abmienu terytoryjami»: Daryć svaju ziamlu akupantu ŭkraincy nie buduć
Prezident Ukrainy Uładzimir Zialenski adkazaŭ na słovy prezidenta ZŠA Donalda Trampa, jaki zajaviŭ pra mahčymy budučy «abmien terytoryjami» pamiž Rasijaj i Ukrainaj dziela spynieńnia vajny, piša Bi-bi-si.
«Adkaz na ŭkrainskaje terytaryjalnaje pytańnie ŭžo jość u Kanstytucyi Ukrainy. Adychodzić ad hetaha nichto nie budzie i nie zmoža. Daryć svaju ziamlu akupantu ŭkraincy nie buduć», — zajaviŭ Zialenski ŭ ranišnim zvarocie.
Napiaredadni hazieta Wall Street Journal paviedamiła sa spasyłkaj na krynicy, što Uładzimir Pucin byccam by hatovy na pieramirje ŭ abmien na admovu Ukrainy ad Danieckaj i Łuhanskaj abłaściej, jakija ŭ značnaj stupieni kantraluje Rasija.
«Ukraina hatovaja da realnych rašeńniaŭ, jakija mohuć dać mir. Lubyja rašeńni, što suprać nas, lubyja rašeńni, što biez Ukrainy, — jany adnačasova i rašeńni suprać miru. Jany ničoha nie daduć. Heta miortvyja rašeńni, jany nikoli nie spracujuć», — napisaŭ Zialenski, dadaŭšy, što hatovy pracavać z Trampam i inšymi partniorami «dziela realnaha miru».
Tramp i Pucin sustrenucca dla abmierkavańnia pieramirja 15 žniŭnia ŭ ZŠA, u štacie Alaska.
Tramp: Pamiž Ukrainaj i Rasijaj maje adbycca abmien terytoryjami ŭ intaresach abodvuch bakoŭ
Pucin hatovy na spynieńnie vajny, kali jamu padorać reštu Danieckaj vobłaści — Słaviansk, Kramatorsk i Pakroŭsk
ZŠA, Ukraina i jeŭrapiejskija sajuźniki płanujuć sustrecca ŭ Vialikabrytanii pierad samitam Trampa i Pucina
Donald Tramp zajaviŭ, što sustreniecca z Pucinym 15 žniŭnia na Alascy
Ciapier čytajuć
«Jana daŭnavata ŭ Biełarusi». Baćka Anžaliki Mielnikavaj pryznaŭsia, što jana žyvaja i zdarovaja97
Kamientary
Tramp i Zialenski hienii - raźviali pypu jak łocha, pahraziŭšy sankcyjami.
Pradajuć Ukrainu paskudy! Na ruzzkoj Alascy pad vodačku z čornaj ikoruškaj. Trampu nie zabudźciesia vušanku napialić i bałałajku ŭ ruki dać.