Plitku ŭ homielskich škołach zamiest rabočych kłali nastaŭniki
U niekatorych škołach Navabielickaha rajona Homiela, kab sekanomić na pracy rabočych, plitku zamiest asfaltu kłali nastaŭniki. Pra heta piša «Fłahštok» sa spasyłkaj na surazmoŭcu sa śfiery adukacyi.
Jak stała viadoma žurnalistam, kiraŭnik rajonnaj administracyi Siarhiej Jankovič zahadaŭ kiraŭnictvu niekatorych škoł samastojna pakłaści plitku na svajoj terytoryi — biez dapamohi prafiesijnych rabočych.
U jakaści materyjału škołam vydali staruju plitku, jakuju źniali ŭ centry horada. Niekatorych nastaŭnikaŭ, piša «Fłahštok», dla taho navat vyklikali z adpačynku — jany čyścili plitku ad cemientu i vazili jaje da miesca kładki. Zajmalisia hetym u tym liku zavučy.
Taksama da pracy pryciahnuli staršakurśnikaŭ na kanikułach i vypusknikoŭ. Asfalt ź miesca kładki zdymali za svaje hrošy.
U adnoj škole nastaŭniki nie zmahli dobra pakłaści plitku — miascovaja ideołah, Aksana Rudzianok, zahadała jaje pierakłaści nanoŭ.
«Fłahštok» adznačaje, što srodkaŭ na apłatu prafiesijnych rabočych u škołach niama — heta kaštuje ad 25 da 60 rubloŭ za kładku adnaho kv. mietra. Ź biudžetu brać hrošy administracyja im zabaraniła.
«Kali nastaŭniki ŭ adpačynkach i zavučy ciahajuć plitku — heta niejki siur. Što ž, sami padpisalisia na rabstva, a pačałosia ŭsio pry falsifikacyi vybaraŭ», — skazaŭ surazmoŭca «Fłahštoka».
«Niekatorym ludziam varta źniać ružovyja akulary». Lavončyk — pra Mielnikavu, uciečku ŭ «Bajchełp», biełyja palito i hrošy na 1300 palitviaźniaŭ10
Kamientary