Śviet11

ZŠA mohuć u jakaści harantyj biaśpieki zakryć nieba nad Ukrainaj

ZŠA razhladajuć mahčymaść stvareńnia biespalotnaj zony nad Ukrainaj jak adzin z varyjantaŭ harantyj biaśpieki paśla vajny. Heta moža ŭklučać nie tolki pracu amierykanskich źniščalnikaŭ, ale i pastaŭku vialikaj kolkaści sistem supraćpavietranaj abarony (SPA). Ahienctva Reuters piša, što płany padrychtavali amierykanskija vajskoŭcy razam ź jeŭrapiejskimi kalehami.

Amierykanskija zienitna-rakietnyja kompleksy Patriot. Fota: Mindaugas Kulbis / AP

Hetyja varyjanty buduć pradstaŭleny daradcam pa nacyjanalnaj biaśpiecy dla dalejšaha razhladu ŭ ramkach dypłamatyčnych namahańniaŭ. U Vašynhtonie prajšli sustrečy ministraŭ abarony ZŠA, Finlandyi, Francyi, Hiermanii, Italii, Vialikabrytanii i Ukrainy, dzie abmiarkoŭvali scenary vajskovaj dapamohi. Razhladalisia taksama mahčymaści ŭvodu jeŭrapiejskich vojskaŭ u Ukrainu pad kantrolem ZŠA, ale Maskva suprać prysutnaści vojskaŭ NATA ŭ krainie.

19 žniŭnia Donald Tramp zajaviŭ, što harantyi biaśpieki dla Ukrainy mohuć uklučać padtrymku amierykanskaj avijacyi, choć pra ŭstupleńnie Ukrainy ŭ NATA havorka pakul nie idzie.

Vydańnie The Times paviedamlała, što jeŭrapiejskija krainy prapanavali raźmiaścić u Rumynii amierykanskija źniščalniki F-35, kab strymlivać Rasiju paśla mahčymych pahadnieńniaŭ ab mirnym urehulavańni. U Rumynii budujecca najbolšaja avijabaza NATA ŭ Jeŭropie.

U sakaviku jeŭrapiejskija vajskoŭcy razam z ukrainskimi VPS raspracavali płan «Niabiesny ščyt» dla abarony zachodnich i centralnych rehijonaŭ Ukrainy ad rasijskich rakiet i dronaŭ. Pavodle jaho, 120 jeŭrapiejskich źniščalnikaŭ mohuć efiektyŭna zamianić bolš za 10 000 vojskaŭ na ziamli i zakłaści asnovu paślavajennych harantyj biaśpieki.

Raniej zachodnija lidary tłumačyli, što nie zakryvajuć nieba nad Ukrainaj dla taho, kab nie pravakavać jadzierny kanflikt z Rasijaj, u adroźnieńnie ad situacyi ź Izrailem, jaki padviarhajecca pavietranym abstrełam z boku Irana i jaho proksi.

Kamientary1

  • Otiec Zasandalij
    21.08.2025
    Śmiechopanorama.

Ciapier čytajuć

«Adny vierać, što viernucca, inšyja — nie». Jak pracuje biełaruskaja škoła ŭ Polščy1

«Adny vierać, što viernucca, inšyja — nie». Jak pracuje biełaruskaja škoła ŭ Polščy

Usie naviny →
Usie naviny

Vyklučeńnie Dana Holdings z sankcyjnaha śpisu ZŠA nie źviazanaje z «mirnymi pieramovami»

Pryznali «ekstremisckimi» sajt i sacsietki Jeŭrapiejskaha humanitarnaha ŭniviersiteta12

U Polščy pačali departavać zatrymanych na kancercie Maksa Karža11

U Rasii abjavili «zamiežnym ahientam» praŭładnaha palitołaha Markava4

Zatrymali dziaŭčynu, jakaja doŭhi čas stałkieryła Alaksandra Rybaka12

U Minsku za «zdradu dziaržavie» na 9 hadoŭ asudzili 60-hadovaha prahramista5

Ukraina naniesła ŭdar pa bazie rasijskich dronaŭ u Krymie1

Vakansija ŭ «Našaj Nivie»: mantažor tyktokaŭ 6

Praviali pieratrus u byłoha daradcy Trampa pa nacyjanalnaj biaśpiecy2

bolš čytanych navin
bolš łajkanych navin

«Adny vierać, što viernucca, inšyja — nie». Jak pracuje biełaruskaja škoła ŭ Polščy1

«Adny vierać, što viernucca, inšyja — nie». Jak pracuje biełaruskaja škoła ŭ Polščy

Hałoŭnaje
Usie naviny →

Zaŭvaha:

 

 

 

 

Zakryć Paviedamić