DAI Minščyny paviedamlaje: siońnia, 13 vieraśnia, pad Minskam i na ŭjeździe ŭ stalicu budzie abmiežavany ruch transpartu.
Tak, na miemaryjalnym kompleksie «Kurhan Słavy» u suviazi z praviadzieńniem motaparadu H.O.G. Rally z 9:00 da 12:00 źjezd z aŭtadarohi R-53 Słabada — Navasady na aŭtadarohu R-80 Słabada — Papiernia budzie časova pierakryty.
Akramia hetaha, na čas prajezdu motakałony budzie abmiežavany ruch spadarožnych transpartnych srodkaŭ na ŭčastku aŭtadarohi M-2 Minsk — Nacyjanalny aeraport Minsk ad Kurhana Słavy da ŭjezdu ŭ Minsk.
Dziaržaŭtainśpiekcyja Minskaj vobłaści prosić kiroŭcaŭ z razumieńniem pastavicca da dadzienaha mierapryjemstva i rekamienduje płanavać čas i maršruty pajezdak z ulikam pradstaŭlenaj infarmacyi, pa mahčymaści admovicca ad pajezdak na asabistym transparcie i skarystacca pasłuhami hramadskaha transpartu.
Kamientary