Śviatłana Cichanoŭskaja latała na jeŭrapiejski forum na viertalocie. A chto heta apłačvaŭ?
Daradca Śviatłany Cichanoŭskaj pa dypłamatyčnych pytańniach Dzianis Kučynski raskazaŭ «Našaj Nivie», čamu na kanfierencyju ŭ italjanskim Vientatene demakratyčnaja lidarka dabirałasia mienavita viertalotam.
Niadaŭna Śviatłana Cichanoŭskaja ŭdzielničała ŭ Pieršym Jeŭrapiejskim forumie za svabodu i demakratyju, jaki prachodziŭ pry padtrymcy Jeŭraparłamienta ŭ Vientatene. Heta italjanski vostraŭ u Tyrenskim mory.
«Dla Jeŭrapiejskaha parłamienta i arhanizataraŭ kanfierencyi było vielmi važna, kab tam prahučaŭ hołas demakratyčnaj Biełarusi jak krainy, jakaja maje jeŭrapiejskaje minułaje i, spadziajomsia, jeŭrapiejskuju budučyniu. Tamu adzinym praktyčnym vyrašeńniem, uličvajučy składany hrafik našaj prezidentki, i taksama ŭ suviazi z tym, što ŭvieś apošni tydzień u nas byŭ pryśviečany našym hierojam (vyzvalenym palitviaźniam), byŭ varyjant ź viertalotam. Daŭžej zastacca my taksama nie mahli, bo na paniadziełak u Vilni zapłanavana važnaja sustreča z novym śpikieram Siejma Litvy Juozasam Olekasam», — raskazaŭ Dzianis Kučynski.
Jon adznačyŭ, što pieralot na viertalocie ŭ adzin bok doŭžyŭsia 45 chvilin. Ale apłačvaŭ pieralot prymajučy bok, tamu kolki jon kaštavaŭ, daradcu nieviadoma.
Cichanoŭskaja: Heta było nie vyzvaleńnie, a departacyja
Ofis Cichanoŭskaj prakamientavaŭ departacyju častki palitviaźniaŭ biez pašpartoŭ
«Bukiet ad Siarhieja, tort ad dziaciej i praca»: jak Śviatłana Cichanoŭskaja adznačaje svoj 43-ci dzień naradžeńnia
Cichanoŭskaja pra zalot rasijskich dronaŭ u Polšču: Jeŭropa pavinna adkazać adzinstvam i siłaj, kab spynić hetuju ahresiju
Kamientary