Topavuju jurystku ź Minska asudzili pa «narodnym» 342-m artykule
Jurystka z Babrujska Taćciana Kłačko, partniorka viadomaha jurydyčnaha biuro i ŭdzielnica mižnarodnych prajektaŭ, była asudžanaja za ŭdzieł u pratestach.
Taćcianie Kłačko 37 hadoŭ. Jana rodam z Babrujska. U 2011-m dziaŭčyna skončyła jurydyčny fakultet Biełaruskaha dziaržaŭnaha ŭniviersiteta. U 2017 i 2021-m prajšła kursy ŭ Instytucie pierapadrychtoŭki i pavyšeńnia kvalifikacyi sudździaŭ, prakuroraŭ, sudoŭ i ŭstanoŭ justycyi BDU.
Taćciana pracuje jurystam z 2010 hoda. Paśla pracy ŭ roznych kampanijach, u tym liku mižnarodnych, jana stała partnioram biuro Lovtsov, Klochko & Partners. Z 2014 udzielničaje ŭ štohadovym daśledavańni Suśvietnaha banka «Doing Business».
Taćciana śpiecyjalizujecca na pasłuhach biznesu. Jana zajmajecca pravavymi sprečkami, pravavym aŭdytam, pytańniami ździełak pa źlićci i pahłynańni biznesu, a taksama jahonaj likvidacyi. Taćciana brałasia prajekty jak u Biełarusi, hetak i ŭ zamiežžy.
Taćcianu Kłačko asudzili ŭ siaredzinie 2025 hoda pa abvinavačańni va «ŭdziele ŭ dziejańniach, jakija hruba parušajuć hramadski paradak» (č. 1 art. 342 KK). Joj prysudzili chatniuju chimiju.
«Naša Niva» — bastyjon biełaruščyny
PADTRYMAĆ
U dzień, kali pamiłavali palitviaźnia Daronina, jahonaj žoncy prysudzili 8,5 hadoŭ kałonii za ŭdzieł u dvarovym čacie6
Kamientary
Chopić abražać narod, jaki zmahajecca z łukašyzmam.
Odnako, počiemu vy pišitie čto ona topovyj jurist, prosto jurist.
Topovyj jurist eto Lilija Vłasova, naprimier.