Dobry ŭčynak abyšoŭsia 17‑hadovamu chłopcu z kamuny Morbad-Charbach u Nižniaj Aŭstryi strataj surjoznaj sumy, piša «Biełaruś i śviet» sa spasyłkaj na noen.at.
Małady čałaviek jechaŭ 7 vieraśnia pa darozie B37 kala horada Hfiol i zaŭvažyŭ na parkoŭcy BMW z dvuma mužčynami pobač. Tyja pakazali sihnał, što im patrebna dapamoha. Kali žychar Charbacha spyniŭsia, vyśvietliłasia, što ŭ ich u mašynie nibyta skončyŭsia bienzin, a na rukach zastalisia tolki biełaruskija kupiury.
Mužčyny, mierkavana rumyny, pakazali aŭstryjcu na svaich smartfonach fota zhadanych banknot i biahučy abmienny kurs, paprasiŭšy abmianiać hrošy ź vialikaj źnižkaj. Za 4 500 rubloŭ małady čałaviek pavinien byŭ addać 870 jeŭra, chacia pa «aficyjnym kursie» jany nibyta kaštavali bolš za 1 100 jeŭra.
Kiroŭca z Charbacha źniaŭ hrošy ŭ bankamata i ździejśniŭ uhodu. U vyniku, kali jon pasprabavaŭ abmianiać rubli nazad na jeŭrapiejskuju valutu, bank prainfarmavaŭ, što atrymanyja kupiury ŭžo nie źjaŭlajucca płaciežnym srodkam.
Kamientary