U Francyi miarkujuć, što śvinyja hałovy da miačeciaŭ padkidali sierby, źviazanyja z Rasijaj
Francuzskija śledčyja padazrajuć, što sierbskaja hrupa, jakaja moža być źviazanaja z rasijskim HRU, staić za akcyjami pravakacyj u Paryžy: padkidańniem śvinych hałovaŭ da miačeciej i ablivańniem sinahoh farbaj. Pavodle infarmacyi Le Monde, kaardynavaŭ hetyja dziejańni čałaviek, jaki znachodziŭsia ŭ Sierbii.
Čałaviek ź Sierbii kiravaŭ jak ablivańniem zialonaj farbaj Miemaryjału achviaraŭ Chałakostu, dźviuch sinahoh i restarana ŭ Paryžy ŭ mai, tak i raźmiaščeńniem dzieviaci śvinych hałoŭ kala miačeciaŭ u noč na 8 vieraśnia. Na jaho ŭžo vydadzieny jeŭrapiejski ordar na aryšt.
Śledčyja źviarnuli ŭvahu na padraździaleńnie 29155 HRU, jakoje raniej zajmałasia dyviersijami i zabojstvami za miažoj. U pačatku 2020‑ch jano było ŭklučana ŭ śpiecyjalnaje ŭpraŭleńnie pad kiraŭnictvam hienierała Andreja Avierjanava. Pa infarmacyi vydańnia, kantakt ź sierbskim pasiarednikam padtrymlivaŭsia praz Telegram, a vykanaŭcaŭ padbirali na miescy siarod hramadzian Sierbii.
Pieršaj akcyjaj stała ablivańnie zialonaj farbaj Miemaryjału achviaraŭ Chałakostu i sinahoh 31 maja. Troch padazravanych sierbaŭ zatrymali 2 červienia ŭ prymorskim horadzie Ancib na poŭdni Francyi, kali jany sprabavali pakinuć krainu, i chutka abvinavacili ŭ abrazie pomnikaŭ.
Druhoj akcyjaj było raźmiaščeńnie śvinych hałoŭ kala dzieviaci miačeciaŭ u paryžskim rehijonie 8—9 vieraśnia; niekatoryja hałovy byli azdoblenyja łozunhami suprać prezidenta Francyi Emanuela Makrona. Pavodle danych haziety Figaro, na adnoj z hałoŭ było napisana «Makron».
Rasśledavańnie viadziecca pry padtrymcy partnioraŭ Francyi pa «Kłubu Biern» — abjadnańni śpiecsłužbaŭ 27 krain ES, Narviehii i Šviejcaryi. Krynicy Le Monde adznačajuć, što vykanaŭcam płacili ŭsiaho tolki pa niekalki sotniaŭ jeŭra, što śviedčyć pra nizki pryjarytet misii i daje mahčymaść Maskvie admaŭlać svaju datyčnaść.
«Siońnia jasna, što ŭ habrejaŭ u Francyi niama budučyni». Hałoŭny rabin Paryža zaklikaŭ habrejaŭ zjazdžać z Francyi
Jak Rasija z dapamohaj karabla-špijona sočyć za padvodnymi kabielami Jeŭropy
U Litvie zatrymali hrupu ludziej, jakija abvinavačvajucca ŭ arhanizacyi padpałaŭ i vybuchaŭ u Jeŭropie
«Stahodździe prynižeńnia» Jeŭropy moža tolki pačynacca — Politico
Ciapier čytajuć
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»12
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»
Učora — u łukašenkaŭskaj turmie, siońnia — u Kijevie dapamahaje ŭkraincam vyžyć. Były palitviazień i svajak Cichanoŭskaj staŭ vałancioram u Punkcie niazłomnaści66
Učora — u łukašenkaŭskaj turmie, siońnia — u Kijevie dapamahaje ŭkraincam vyžyć. Były palitviazień i svajak Cichanoŭskaj staŭ vałancioram u Punkcie niazłomnaści6
Chočacie žyć doŭha — šukajcie rajon z narmalnymi drevami. Navukoŭcy vyśvietlili, što drevy ratujuć ad infarktaŭ, a hazony mohuć navat naškodzić zdaroŭju44
Kamientary