21‑hadovuju žycharku Maładziečna ekstranna dastavili ŭ rajonnuju balnicu ŭ ciažkim stanie paśla naniasieńnia tatuiroŭki. Praz sutki jana pamierła.
U kancy žniŭnia ŭ Maładziečanskuju centralnuju rajonnuju balnicu była ekstranna dastaŭlena 21‑hadovaja žycharka horada Maładziečna.
Chutkuju vyklikaŭ jaje małady čałaviek, jaki zaŭvažyŭ, što jaho dziaŭčynie stała drenna. Vyratavać jaje nie ŭdałosia — praz sutki jana pamierła ŭ balnicy.
U chodzie pravierki ŭstanoŭlena, što dziaŭčyna ŭ chatnich umovach zrabiła tatuiroŭku na levym pieradpleččy. Praz paru dzion paśla pracedury ŭ jaje padniałasia vysokaja tempieratura, pačyrvanieła i aciakła vobłaść tatuiroŭki.
Sudova-miedycynskaj ekśpiertyzaj ustanoŭlena, što śmierć nastupiła ŭ vyniku zapalenčaha pracesu ŭ arhaniźmie, to-bok siepsisu.
Kamientary