Byłaja palitźniavolenaja, departavanaja z Polščy ŭ Litvu, trapiła ŭ jurydyčnyja abcuhi
60‑hadovaja byłaja palitźniavolenaja Natalla Padleŭskaja, jakuju Polšča niadaŭna pieradała Litvie ŭ ramkach Dublinskaha rehłamienta, sutyknułasia z prablemami, źviazanymi ź nievykanańniem polskimi pamiežnikami niekatorych farmalnaściaŭ, paviedamiła inicyjatyva Partyzanka.
U Biełarusi ŭ 2021 hodzie Natallu Padleŭskuju pakarali za «abrazu ŭładaŭ» hodam turmy i štrafam. Paśla vyzvaleńnia ŭ 2022 hodzie jana vyjechała za miežy krainy, atrymaŭšy litoŭskuju humanitarnuju vizu. Na terytoryi Litvy Natalla padała dakumienty pamiežnikam i atrymała ad ich adznaku pra ŭjezd.
Paśla taho žančyna vyjechała ŭ Polšču, dzie žyvie jaje siamja, prytym dačka — navat z polskim hramadzianstvam. Ale tam admovilisia razhladać jaje prośbu ab mižnarodnaj abaronie, pakolki ličycca, što sprava pavinna razhladacca ŭ pieršaj krainie ES, u jakoj žančyna atrymała vizu. I choć sud u Polščy pastanaviŭ, što spravu treba razhladać mienavita tut, za dzień da suda polskija pamiežniki ŭžo paśpieli vypravić Natallu Padleŭskuju ŭ Litvu.
Ciapier jana nie moža viarnucca ŭ Polšču, bo nie maje dakumientaŭ, jakija davali b na heta prava. U Litvie ž jana pavodle zakona taksama znachodzicca nielehalna, i ŭ zvyčajnych abstavinach jaje navat mahli b departavać u Biełaruś.
Ciapier pravaabaroncy šukajuć mahčymaści, kab viarnuć žančynu ŭ Polšču, ale zakanadaŭčych dakładna prapisanych miechanizmaŭ dla takoj situacyi pakul niama.
Ciapier čytajuć
«Jana daŭnavata ŭ Biełarusi». Baćka Anžaliki Mielnikavaj pryznaŭsia, što jana žyvaja i zdarovaja45
Kamientary
Jeśli u dočieri hraždanstvo počiemu nie podaliś na vossojedinienije s sieḿjoj?Eto vpołnie možno było sdiełať!I dažie pośle połučienija karty po etoj pričinie možno było by dažie podať na MZ!