U Vałožynskim rajonie ŭ 68‑hadovaha piensijaniera z domu źnikła bujnaja suma hrošaj — 180 tysiač dołaraŭ. Milicyjantam udałosia za sutki zatrymać padazravanaha.
Pra źniknieńnie hrošaj piensijanier paviedamiŭ u Vałožynski RAUS 29 kastryčnika.
Milicyjantam udałosia chutka zatrymać padazravanaha. Im akazaŭsia 31‑hadovy minčanin, jaki byŭ znajomy ź piensijanieram, bo raniej u jaho pracavaŭ. Złamyśnik viedaŭ, dzie haspadar chavaje kluč ad uvachodnych dźviarej, i prabraŭsia ŭ dom, kali nikoha nie było.
Častku skradzienych hrošaj vykradalnik paśpieŭ patracić: jon nabyŭ darahi aŭtamabil, matacykł, ekipiroŭku, a taksama na zabavy i arendu transpartu.
Bolšuju častku sumy ŭdałosia zabrać i viarnuć paciarpiełamu.
Skradzienyja źbieražeńni mužčyna nazapasiŭ, zdajučy svaju nieruchomaść u Minsku, i zachoŭvaŭ ich doma, u kuchonnaj šafie i duchoŭcy.
Zatrymanamu pahražaje da 12 hadoŭ pazbaŭleńnia voli.
Kamientary