У Валожынскім раёне ў 68‑гадовага пенсіянера з дому знікла буйная сума грошай — 180 тысяч долараў. Міліцыянтам удалося за суткі затрымаць падазраванага.
Пра знікненне грошай пенсіянер паведаміў у Валожынскі РАУС 29 кастрычніка.
Міліцыянтам удалося хутка затрымаць падазраванага. Ім аказаўся 31‑гадовы мінчанін, які быў знаёмы з пенсіянерам, бо раней у яго працаваў. Зламыснік ведаў, дзе гаспадар хавае ключ ад уваходных дзвярэй, і прабраўся ў дом, калі нікога не было.
Частку скрадзеных грошай выкрадальнік паспеў патраціць: ён набыў дарагі аўтамабіль, матацыкл, экіпіроўку, а таксама на забавы і арэнду транспарту.
Большую частку сумы ўдалося забраць і вярнуць пацярпеламу.
Скрадзеныя зберажэнні мужчына назапасіў, здаючы сваю нерухомасць у Мінску, і захоўваў іх дома, у кухоннай шафе і духоўцы.
Затрыманаму пагражае да 12 гадоў пазбаўлення волі.
Сілавікі расказалі, як гродзенскія блогеры трацілі мільён, сабраны нібыта на лячэнне дзіцяці3
Каментары