Zahadka sinich sabak u Čarnobyli razhadanaja. Heta nie radyjacyja, žyviolinaŭ admysłova farbujuć
Dniami vydańnie Daily Mail sa spasyłkaj na vałancioraŭ paviedamiła pra zahadkavych sinich sabak u Čarnobylskaj zonie. Što z sabakami zdaryłasia — nie było ŭciamnaha tłumačeńnia.
U sacsietkach mnohija nie pavieryli sapraŭdnaści videa i abvinavacili vałancioraŭ u raspaŭsiudzie fejkavych kadraŭ.
Inšyja ž kamientatary vykazvali mierkavańnie, što taki koler — vynik radyjacyi, inšyja, što sabaki zapeckalisia.
Akazałasia, što sini koler — heta nie vynik radyjacyi i nie mutacyja. Tak śpiecyjalisty mieciać sabak, jakich užo sterylizavali, raskazaŭ Siarhiej Kirejeŭ, kiraŭnik «Ekacentra», jaki sočyć za zonaj adčužeńnia.
Pavodle słoŭ śpiecyjalista, admysłovaja farba, jakuju vykarystoŭvajuć dla markiroŭki, całkam biaśpiečnaja dla žyvioł.
Paśla avaryi na Čarnobylskaj AES, kali ludziej adsialali, ich chatnija hadavancy časta zastavalisia — ludziam kazali, što jany jeduć na paru dzion. Z tych časoŭ papulacyja badziažnych žyvioł u zonie vyrasła. Kab kantralavać ich kolkaść, vałanciory adłoŭlivajuć žyviolinaŭ, sterylizujuć, a potym vypuskajuć znoŭ. Jarkaja siniaja farba dapamahaje zrazumieć, jaki sabaka ŭžo prajšoŭ praz praceduru, kab nie łavić jaho znoŭ.
Ciapier čytajuć
Babaryka turemščykam: «U mianie było, ciapier niama, ale jość šaniec, što budzie. A ŭ vas nie było, niama i nie budzie. I ŭ vašych dziaciej nie budzie»99
Kamientary