Biežancy ź Siryi musiać viarnucca na radzimu i zaniacca adnaŭleńniem krainy, zajaviŭ kancler FRH Frydrych Mierc. Jon rastłumačyŭ, što z zakančeńniem hramadzianskaj vajny padstaŭ dla atrymańnia prytułku ŭ siryjcaŭ niama, paviedamlaje Deutsche Welle.
Hramadzianskaja vajna ŭ Siryi zakončanaja. Ciapier niama padstaŭ dla nadańnia prytułku ŭ Hiermanii, tamu my možam pačać departacyju», — patłumačyŭ Mierc na sumiesnaj pres-kanfierencyi z premjer-ministram ziamli Šleźvih-Holštejn Danielem Hiunteram.
Jon vykazaŭ nadzieju na toje, što bolšaść biežancaŭ «dobraachvotna viernucca ŭ krainu i prymuć udzieł u jaje adnaŭleńni», pakolki bieź ich heta było b niemahčyma.
«Tyja, chto admovicca viarnucca ŭ krainu, pierabyvajučy ŭ Hiermanii, viadoma, mohuć być vysłanyja ŭ budučym», — dadaŭ Mierc.
Adnačasova kancler FRH zajaviŭ pra nieabchodnaść padzialić pracedury nadańnia prytułku i pryjomu pracoŭnych mihrantaŭ. «Ja vielmi niezadavoleny tym, što ŭ nas da hetaha času jość tyja, kaho my mahli b abo častkova ŭžo intehravali ŭ rynak pracy, ale jany ŭsio jašče zastajucca ŭ pracesie atrymańnia prytułku. Prapanujem u budučyni ŭdaskanalić hetuju praceduru administracyjna, całkam padzialiŭšy praces nadańnia prytułku i intehracyi na rynku pracy, mienavita dla hetaha i isnuje tak zvanaja ahiencyja Work-And-Stay. U pierakładzie heta aznačaje: tak, pracuj i zastavajsia», — adznačyŭ Mierc.
U kastryčniku 2025‑ha tych, chto prasiŭ prytułku ŭ FRH, akazałasia ŭdvaja mienš, čym hodam raniej.
Kolkaść pieršasnych zajaŭ na nadańnie prytułku ŭ Hiermanii ŭ kastryčniku 2025 hoda (8823) skaraciłasia prykładna na 55% u paraŭnańni z tym ža miesiacam 2024‑ha (19 785), zajaviŭ ministr unutranych spraŭ krainy Alaksandr Dobrynt (Alexander Dobrindt).
Raniej jon kazaŭ pra płany paskoryć praces departacyi z Hiermanii. Dobrynt padkreślivaŭ, što «zrobić usio» dla dasiahnieńnia adpaviednych damoŭlenaściaŭ z uładami Afhanistana i «pasprabuje zrabić toje ž samaje ź Siryjaj». U apošniuju krainu płanujecca vysyłańnie nie tolki złačyncaŭ, ale i tych, čyje prośby ab nadańni prytułku byli adchilenyja.
Što datyčycca Afhanistana, to paśla viartańnia isłamisckaha ruchu «Taliban» da ŭłady ŭ krainie ŭ 2021 hodzie Hiermanija ŭžo dvojčy vysyłała afhancaŭ: 28 čałaviek u žniŭni 2024 hoda i 81 u lipieni 2025-ha. Usie jany, jak ukazvajuć ułady, złačyncy, asudžanyja sudami da pazbaŭleńnia voli.
«Muž syšoŭ ź Sipłym i Małym». Imavierna, pad Kramatorskam ukraincy adnym macham ubajdosili troch biełaruskich najomnikaŭ19
Kamientary
[Zredahavana]