Adździaleńnie pasolstva Biełarusi ŭ Rasii adkryłasia ŭ Smalensku. U zonu jaho adkaznaści ŭvachodziać dziesiać abłaściej Centralnaj fiederalnaj akruhi Rasii, paviedamlaje pres‑słužba biełaruskaha pasolstva.
Uznačalić biełaruskuju dypłamatyčnuju misiju ŭ Smalensku Mikałaj Kucko.
«U Smalensku my adkryvajem naša adździaleńnie, najpierš tamu, što tut u nas samaja «haračaja kropka»: vialiki tranzitny patok na Rasiju, aktyŭny tavaraabarot i vialikaja praca pa pamiežnym uzajemadziejańni», — zajaviŭ pasoł Biełarusi ŭ RF Vasil Dałhaloŭ, kali pradstaŭlaŭ novaha dypłamata hubiernataru Smalenskaj vobłaści. Jon padkreśliŭ, što adździaleńnie pasolstva ŭ Smalensku stanie «stratehičnym punktam pa supracoŭnictvie i ź inšymi rasijskimi rehijonami». «Va ŭsich śfierach my sa Smalenskaj vobłaściu vielmi dobra supracoŭničajem», — zajaviŭ pasoł.
Hubiernatar Smalenskaj vobłaści Rasii Siarhiej Antufjeŭ taksama padkreśliŭ važnaść adkryćcia smalenskaha adździaleńnia pasolstva. «Dla biźniesu vielmi važna, kab byŭ taki instrumient, jak adździaleńnie pasolstva, jakoje budzie dapamahać vyrašać mnohija pytańni, u tym liku i pravavyja. I, napeŭna, samym hałoŭnym budzie dapamahać aryjentavać biźnies jak biełaruski, tak i rasijski pa najbolš efiektyŭnych kirunkach raźvićcia», — zajaviŭ hubiernatar. Tak, na Smalenščynie z 300 zarehistravanych sumiesnych pradpryjemstvaŭ 270 — vytvorčaści ź biełaruskim kapitałam.
Usiaho na terytoryi Rasii ciapier pracujuć dziesiać adździaleńniaŭ pasolstva Biełarusi [u Jekaciarynburhu, Kalininhradzie, Murmansku, Krasnadary, Nižnim Noŭharadzie, Novasibirsku, Sankt-Pieciarburhu, Ufie, Chabaraŭsku -- NN].
Kamientary