ZŠA razhladajuć mahčymaść stvareńnia časovaj vajskovaj bazy dla 10 000 čałaviek pablizu siektara Haza — biez udziełu amierykanskich vajskoŭcaŭ u samoj zonie kanfliktu, paviedamlaje ahienctva Bloomberg.
Vajskova-marskija siły ZŠA nakiravali kampanijam-padradčykam zapyt na acenku koštu budaŭnictva časovaj, samadastatkovaj bazy, zdolnaj raźmiaścić 10 000 čałaviek i zabiaśpiečyć kala 10000 kvadratnych futaŭ ofisnych pamiaškańniaŭ na termin da hoda.
Miarkujecca, što baza moža być pabudavanaja na poŭdni Izraila, kala miežaŭ Hazy, i ŭ takim vypadku jana stanie častkaj Mižnarodnych stabilizacyjnych sił (ISF) — hrupoŭki vajskoŭcaŭ z roznych krain, jakaja pavinna kantralavać pieramirje pamiž Izrailem i CHAMAS i dapamahać u adnaŭleńni terytoryi paśla dvuchhadovaj vajny.
Pradstaŭnik Centralnaha kamandavańnia ZŠA padkreśliŭ, što amierykanskija vajskoŭcy ŭ Hazu ŭvodzicca nie buduć. Zapyt na infarmacyju — heta tolki papiaredni krok, jaki nie aznačaje pačatak budaŭnictva. Bieły dom taksama zajaviŭ, što nijakaha aficyjnaha rašeńnia pakul niama.
U dakumiencie havorycca, što padradčyk pavinien zabiaśpiečyć poŭny cykł absłuhoŭvańnia bazy — charčavańnie, vadu, elektrazabieśpiačeńnie, suviaź, miedycynskija pasłuhi i biaśpieku.
Izrailski bok pakul nie paćvierdziŭ najaŭnaść kankretnych płanaŭ, ale adznačyŭ, što «razhladajucca roznyja varyjanty budučyni Hazy» razam z amierykanskimi i inšymi mižnarodnymi partniorami.
Što ludzi kažuć ab prajeździe praz «Bruzhi» i «Bierastavicu» i čamu ŭ apošniaj stajać pa 12 hadzin6
Što ludzi kažuć ab prajeździe praz «Bruzhi» i «Bierastavicu» i čamu ŭ apošniaj stajać pa 12 hadzin
«Naiŭna spadziavalisia zarablać u Jeŭropach, pryjazdžać dadomu lačyć zuby na chalavu i zdavać kvateru». Prapahanda pačała apraŭdvać darahija žyroŭki dla «darmajedaŭ»1919
Kamientary