Donald Tramp pradstaviŭ novy płan spynieńnia vajny ŭ siektary Haza, jaki ŭžo atrymaŭ padtrymku pa ŭsim śviecie. Izrailski premjer-ministr Bińjamin Nietańjachu zajaviŭ u Biełym domie, što prymaje ŭmovy Trampa.
Hiermanija vykazała nadzieju na pośpiech inicyjatyvy. Arabskija i musulmanskija krainy, uklučajučy Saudaŭskuju Araviju, Turcyju i Jehipiet, taksama publična vitali krok ZŠA, piša Bild.
Pavodle płana, CHAMAS pavinien skłaści zbroju, adpuścić izrailskich zakładnikaŭ, a siektar Haza čakajuć demilitaryzacyja i adnaŭleńnie. Bajevikam u takim vypadku prapanujecca amnistyja i mahčymaść pakinuć siektar.
Adnak CHAMAS pakul reahuje rezka. Pradstaŭnik hrupoŭki zajaviŭ, što «jana nie atrymała kopiju amierykanskaha płana», dadaŭšy, što zbroju supracivu jany składuć tolki paśla stvareńnia paleścinskaj dziaržavy.
Kali ž CHAMAS admovicca, praduhledžany žorstki varyjant: u vyzvalenyja rajony Hazy ŭvojduć mižnarodnyja siły pry padtrymcy ZŠA i arabskich krain. Nietańjachu padkreśliŭ, što kali zakładniki nie buduć vyzvalenyja, to Izrail praciahnie vajennyja dziejańni.
U siektary Haza tym časam uzmacniajecca cisk na CHAMAS — izrailskaja armija viadzie šturm samoha horada Haza, apošniaha bujnoha apłotu bajevikoŭ.
Nietańjachu na Hienasamblei nazvaŭ pryznańnie Paleściny «haniebnym» i niepasredna źviarnuŭsia da CHAMAS
Nietańjachu pieradavaŭ svaju pramovu ŭ Hazu z dapamohaj hučnahavarycielaŭ — kab jaje pačuli zakładniki
Nietańjachu vystupaŭ u AAN z kjuar-kodam na pinžaku FOTAFAKT
Eks-premjer Brytanii Toni Błer prapanavaŭ siabie na pasadu kiraŭnika pierachodnaha ŭrada Hazy
Azaraŭ mocna pakryŭdziŭsia na słovy «psieŭdalidarki Cichanoŭskaj», što jaho Płan Pieramoha byŭ pamyłkaj32
Kamientary
rakovyje kletki NIKOHDA užie nie mohut stať zdorovymi, ravno kak i proizvodiť zdorovyje.
so vsiemi vytiekajuŝimi...