MNS Biełarusi atrymała aficyjny adkaz ad litoŭskaha boku na zapyt pra incydent, jaki adbyŭsia na terytoryi Ihnalinskaj atamnaj elektrastancyi, paviedamlaje MNS.
Pavodle paviedamleńnia, na IAES adbyłosia ŭzharańnie ŭ błoku filtracyi pavietra šrotastrumiennaj ustanoŭki, jakaja źjaŭlajecca častkaj kompleksu pieršasnaj pierapracoŭki radyjeaktyŭnych adchodaŭ.
Litoŭski bok zapeŭniŭ, što pažar byŭ apieratyŭna patušany i paciarpiełych niama, vykidu radyjeaktyŭnych materyjałaŭ nie adbyłosia.
Pa Mižnarodnaj škale jadziernych i radyjałahičnych padziej MAHATE padzieja kłasifikujecca jak «nižej škały».
Taksama ŭ adkazie było paznačana, što źniešniaja dapamoha Litvie dla likvidacyi nastupstvaŭ nie spatrebiłasia.
Pažar adbyŭsia 25 listapada ŭ kompleksie pieršasnaj apracoŭki radyjeaktyŭnych adkidaŭ. Pavodle aficyjnych paviedamleńniaŭ litoŭskaha boku, u vyniku incydentu nie zafiksavana ani radyjacyjnaj škody navakolnamu asiarodździu i nasielnictvu, ani paciarpiełych siarod piersanału.
Kamientary