Prezident ZŠA Donald Tramp u paniadziełak viečaram razharnuŭ nadzvyčaj aktyŭnuju dziejnaść u svajoj sacsietcy Truth Social. Pavodle padlikaŭ vydańnia Daily Beast, za prykładna čatyry hadziny jon apublikavaŭ bolš čym 160 pastoŭ.
Bolšaść z hetych paviedamleńniaŭ składali reposty pratrampaŭskaha kantentu: materyjały telekanała Fox News, videabłohiera Bieni Džonsana, a taksama radyjoviadučaha Aleksa Džonsa. Apošniaha mnohija amierykanskija ŚMI nazyvajuć «pravaradykalnym», adnak jon sam heta admaŭlaje i charaktaryzuje siabie jak libiertaryjanca.
U artykule adznačajecca:
«Bolš za 160 pastoŭ u pieryjad z 19:09 da 23:57… Pryčym bolšaść byli apublikavanyja dvojčy. U niejki momant prezident raźmiaščaŭ bolš za adzin post u chvilinu».
Pierad tym, jak pačać masavyja reposty, Tramp asabista apublikavaŭ niekalki emacyjnych paviedamleńniaŭ. Asabliva žorstka jon vykazaŭsia na adras sienatara Marka Kieli z Aryzony — byłoha aficera VMS i astranaŭta NASA. Tramp nazvaŭ jaho «zdradnikam» paśla taho, jak Kieli razam z demakratami zapisaŭ videazvarot, u jakim nahadvaŭ vajskoŭcam pra ich kanstytucyjny abaviazak admaŭlacca ad niezakonnych zahadaŭ.
Ciapier čytajuć
Buchi Ihar ź Viciebska ŭžo nie viedaje, jak adbicca ad padarunkaŭ ad roznych brendaŭ. I ŭžo zvalniajecca z zavoda26
Kamientary
Red., a kolki ja publikavała pastoŭ u hadzinu?)