Budapiešt vystupiŭ suprać emisii ahulnajeŭrapiejskich ablihacyj na sumu 90 miljardaŭ jeŭra dla dapamohi Kijevu.
Vienhryja zabłakavała prapanovu Jeŭrakamisii ab finansavaj padtrymcy Ukrainy, jakoje nazyvali «płanam B» na vypadak, kali nie ŭdasca damovicca ab vykarystańni rasijskich zamarožanych aktyvaŭ dla reparacyjnaha kredytu Ukrainie, piša «Nastojaŝieje vriemia».
Budapiešt vystupiŭ suprać emisii ahulnajeŭrapiejskich ablihacyj na sumu 90 miljardaŭ jeŭra dla dapamohi Kijevu.
Admova Vienhryi aznačaje, što na hety momant u Jeŭrasajuza niama inšaha płana akazańnia Ukrainie finansavaj dapamohi ŭ nastupnym hodzie, akramia prapanovy ab vykarystańni rasijskich aktyvaŭ. Ź im, adnak, u jaho siońniašnim vyhladzie nie zhodnaja Bielhija, dzie znachodzicca klirynhavy centr Euroclear, u jakim i zamarožanaja bolšaja častka rasijskich srodkaŭ. Brusiel baicca, što Rasija budzie damahacca viartańnia svaich aktyvaŭ mienavita ad Bielhii, a nie ad ES jak takoha. Skieptyčna da prapanovy Jeŭrakamisii staviacca i ŭ Euroclear.
U piatnicu ŭviečary pavinny byli adbycca pieramovy kanclera Hiermanii Frydrycha Mierca z kiraŭnikom urada Bielhii Bartam de Vievieram, pryśviečanyja hetamu pytańniu.
Ahienctva Bloomberg sa spasyłkaj na krynicy śćviardžała, što ZŠA pierakonvajuć šerah krain Jeŭrasajuza nie padtrymlivać «reparacyjny kredyt», ukazvajučy, što zamarožanyja aktyvy Rasii nieabchodnyja jak instrumient dla budučaha mirnaha pahadnieńnia z Maskvoj i nie pavinny vykarystoŭvacca dla praciahvańnia vajny.
Ciapier čytajuć
U dzień, kali pamiłavali palitviaźnia Daronina, jahonaj žoncy prysudzili 8,5 hadoŭ kałonii za ŭdzieł u dvarovym čacie3
Kamientary
Kak i to,kto v koncie koncov proihrajet. Vopros v tom - kak skoro,ibo eto užie nieotvratimo.