Navahodniaja placoŭka dla dziaciej i ich baćkoŭ «Viosačka Dziaduli Maroza» pačnie pracu z 22 śniežnia ŭ handlovym centry «Pieršy nacyjanalny handlovy dom». Pra heta paviedamiła namieśnik načalnika hałoŭnaha ŭpraŭleńnia handlu i pasłuh Minharvykankama Eła Žoŭtka, pišuć «Minsk-naviny».
Placoŭka budzie pracavać štodzionna da 31 śniežnia. U hetyja dni Dziadula Maroz asabista budzie sustrakać junych haściej u svaim kazačna aformlenym domiku.
— Z 22 śniežnia my zaprašajem dziaciej i ich baćkoŭ na asablivuju interaktyŭnuju placoŭku, jakaja budzie pracavać u Pieršym nacyjanalnym handlovym domie. Heta miesca, dzie dzieci zmohuć parazmaŭlać ź Dziadulem Marozam i zrabić pamiatnyja fotazdymki. My chočam padaryć dzieciam niezvyčajnyja śviatočnyja emocyi, — adznačyła Eła Žoŭtka.
Pa słovach śpikierki, asnoŭny akcent zrobleny na razmovach i stvareńni čaroŭnaj atmaśfiery. Placoŭka budzie ŭpryhožana ŭ tematyčnym styli, a ŭsie hości handlovaha centra zmohuć naviedać łakacyju absalutna biaspłatna.
Ciapier čytajuć
U dzień, kali pamiłavali palitviaźnia Daronina, jahonaj žoncy prysudzili 8,5 hadoŭ kałonii za ŭdzieł u dvarovym čacie6
Kamientary