Futbalista z Radaškovičaŭ kinuli ŭ kałoniju — dačapilisia da kamientaŭ
Alaksiej Laŭkievič hulaŭ u futboł, zarablaŭ na santechnicy i jeździŭ za miažu. Niadaŭna jaho asudzili pa troch palityčnych artykułach.
Alaksieju Laŭkieviču 38 hadoŭ, jon z Radaškovičaŭ. U 2011 hodzie skončyŭ Biełaruski dziaržaŭny technałahičny ŭniviersitet. Miarkujučy pa profilach u sacsietkach, mužčyna pracavaŭ u budaŭničaj śfiery — zajmaŭsia ŭkładkaj plitki i azdobnymi rabotami.
Vialikaj častkaj jaho žyćcia byŭ sport: Alaksiej šmat hadoŭ hulaŭ u amatarski futboł i mini-futboł. Jon vystupaŭ u Premjer-lizie 5ch5 za kamandy do-doma.by i «BiełVEB», na jaho rachunku dziasiatki matčaŭ i hałoŭ. Akramia hetaha, Alaksiej lubiŭ padarožničać i dzialiŭsia fotazdymkami z roznych krain.
Padobna, što pryčapilisia da kamientaroŭ Laŭkieviča ŭ telehramie. Jahony akaŭnt pryviazany da ŭłasnaha numara i byŭ nie abaronieny.
Laŭkievič źnik z sacsietak pry kancy 2024 hoda. U vyniku jaho asudzili ŭ Minskim haradskim sudzie adrazu pa troch artykułach Kryminalnaha kodeksa: č. 1 art. 368 (abraza Łukašenki), č. 1 art. 130 (raspalvańnie varožaści) i art. 369 (abraza pradstaŭnika ŭłady).
Chłopcu prysudzili kałoniju, ale dakładny prysud nieviadomy.
«Naša Niva» — bastyjon biełaruščyny
PADTRYMAĆCiapier čytajuć
Biełaruska nabiła na ciele partrety Łukašenki i jaho synoŭ, Umki, Pucina dy Si Czińpina12
Kamientary