Łukašenka «kateharyčna» asudziŭ «akt amierykanskaj ahresii suprać Vieniesueły»
Natalla Ejsmant u kamientary kramloŭskamu ahienctvu «RIA Novosti» raskazała pra reakcyju jaje načalnika na padziei ŭ Karakasie.
«Prezident Biełarusi KATEHARYČNA asudžaje akt amierykanskaj ahresii suprać Vieniesueły. Pra nastupstvy Alaksandr Łukašenka havaryŭ zusim niadaŭna ŭ intervju z amierykanskim žurnalistam. Pra toje, što heta budzie druhi Vjetnam. I amierykancam jon nie patrebny», — voś tekst kamientara pres-sakratarki Łukašenki.
U intervju amierykanskamu telekanału Newsmax u siaredzinie śniežnia kiraŭnik Biełarusi zaklikaŭ ZŠA i Vieniesuełu da mirnych pieramoŭ i praročyŭ, što ŭvarvańnie ŭ łacinaamierykanskuju krainu stanie dla amierykancaŭ «druhim Vjetnamam». Taksama Łukašenka nibyta źbiraŭsia abmierkavać asabista z Trampam situacyju ŭ Vieniesuele.
«Madura nie toj čałaviek, jaki ŭsio kinie i sydzie, uciače. Heta mocny čałaviek. Heta «čavist». Heta jak Čavies. Jon mocny mužyk, prystojny, razumny čałaviek, ź jakim možna razmaŭlać i damaŭlacca», — zajaŭlaŭ tady Łukašenka.
Ciapier čytajuć
Babaryka turemščykam: «U mianie było, ciapier niama, ale jość šaniec, što budzie. A ŭ vas nie było, niama i nie budzie. I ŭ vašych dziaciej nie budzie»99
Kamientary
Aŭtamat na viarovačku zamiest kryžyka pavieś i nie zdymaj