Infarmacyja pra ŭdar pa maŭzalei Čavesa akazałasia rasijskim fejkam
Učora rasijskija infarmacyjnyja ahienctvy raspaŭsiudzili, a łukašenkaŭskija sietki padchapili infarmacyju pra źniščeńnie mahiły byłoha prezidenta Vieniesueły. Nasamreč udar byŭ pa vajskovym abjekcie na susiedniaj hary — voś jakim.
«Mahiła Uha Čaviesa haryć, Madura ŭziaty ŭ pałon, judy atrymali hrošy, nafta piarojdzie Štatam», — napisaŭ u svaim kanale 3 studzienia prapahandyst Ryhor Azaronak.
Maŭzalej Uha Čaviesa — Cuartel de la Montaña 4F — heta budynak na hary, jaki ŭ 1992 hodzie staŭ štabam Uha Čaviesa padčas ažyćcioŭlenaj im sproby dziaržaŭnaha pieravarotu.
Paśla śmierci Čaviesa ŭ 2013 hodzie jaho pieratvaryli ŭ maŭzalej.
Infarmacyja pra ŭdar pa im była vydumanaja. Pad udar trapiŭ inšy histaryčny budynak u Karakasie — raźmieščany na susiedniaj hary, prykładna za paŭkiłamietra ad maŭzaleja.
Sapraŭdnaj cellu ataki staŭ kompleks byłoj Vajskova-marskoj absiervatoryi Kachihal (Observatorio Naval Cagigal), jaki ŭ apošnija hady vykarystoŭvaŭsia jak štab-kvatera Kamandavańnia balivaryjanskaj milicyi — heta struktura typu terytaryjalnaj abarony i adnačasova sietka dla kantrolu nad hramadstvam.
3 studzienia Złučanyja Štaty Amieryki paśpiachova praviali maštabny ŭdar pa Vieniesuele i jaje lidarach. Prezident Madura razam sa svajoj žonkaj byŭ zatrymany i vyviezieny z krainy. Madura byŭ schopleny elitnym padraździaleńniem śpiecyjalnaha pryznačeńnia «Delta». Apieracyja supravadžałasia ŭdarami pa ŭstanoŭkach SPA Vieniesueły i vajskovych abjektach.
63‑hadovy Nikałas Madura ŭznačalvaŭ Vieniesuełu z 2013 hoda. Zachad nie pryznavaŭ vynikaŭ vybaraŭ, zhodna ź jakimi jon pieraabiraŭsia na novyja terminy. Sistema falsifikacyi vybaraŭ u Vieniesuele nahadała biełaruskuju.
Ciapier čytajuć
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»28
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»
Učora — u łukašenkaŭskaj turmie, siońnia — u Kijevie dapamahaje ŭkraincam vyžyć. Były palitviazień i svajak Cichanoŭskaj staŭ vałancioram u Punkcie niazłomnaści66
Učora — u łukašenkaŭskaj turmie, siońnia — u Kijevie dapamahaje ŭkraincam vyžyć. Były palitviazień i svajak Cichanoŭskaj staŭ vałancioram u Punkcie niazłomnaści6
Chočacie žyć doŭha — šukajcie rajon z narmalnymi drevami. Navukoŭcy vyśvietlili, što drevy ratujuć ad infarktaŭ, a hazony mohuć navat naškodzić zdaroŭju44
Kamientary
Tak čto možietie spokojno balzamirovať svojeho Łukašienko i pomieŝať v Mavzolej.
(Pravda pośle smieny vłasti s nim v mavzoleje budiet ta žie istorija, čto i s Kaddafi v chołodilnikie, no eto užie druhaja istorija i sovsiem druhije foto.)