Z novaha hoda ŭ Biełarusi zabaroniena pradavać piva i słabaałkaholnyja napoi ŭ płastykavych butelkach abjomam bolš za 1,5 litra. Abmiežavańnie, jakoje spačatku płanavałasia ŭvieści jašče hod tamu, było ŭstanoŭlena pastanovaj Savieta Ministraŭ Biełarusi №924 ad 6 śniežnia 2024 hoda.
Na praktycy heta značyć, što z kram treba prybrać papularnyja bujnyja butelki na 1,6, 1,9 abo 2 litry, a standartnyja «paŭtarački» pakul zastajucca dazvolenymi.
Novyja praviły tyčacca ŭsich słabaałkaholnych napojaŭ z utrymańniem śpirtu da 7% uklučna.
Heta nie pieršaja padobnaja zabarona: raniej, u 2014 hodzie, uvodziŭsia padobny abmiežavalny limit — nie bolš za 2 litry. Novy zakon jašče bolš skaračaje maksimalny abjom płastykavaj upakoŭki, praciahvajučy palityku abmiežavańnia bujnoj płastykavaj tary dla ałkaholu.
Ale ŭžo vypuščanyja napoi vykidać nie daviadziecca: biznes moža pradać ich u narmatyŭnych miežach da zakančeńnia terminu prydatnaści, kab paźbiehnuć finansavych strat.
U dzień, kali pamiłavali palitviaźnia Daronina, jahonaj žoncy prysudzili 8,5 hadoŭ kałonii za ŭdzieł u dvarovym čacie6
Kamientary