Atestacyju ŭ Nacbanku ciapier zmohuć prajści tolki palityčna łajalnyja bankiry, jakija nie staviać łajki, dzie nie treba
Nacbank vyrašyŭ, što niapravilnyja łajki i ŭdzieł u pratestach škodziać dziełavoj reputacyi.
Nacbank padčas praviadzieńnia atestacyi ciapier budzie ŭličvać palityčnuju łajalnaść bankiraŭ. Rehulatar unios źmieny ŭ instrukcyju ab paradku praviadzieńnia acenki adpaviednaści kvalifikacyjnym patrabavańniam i patrabavańniam da dziełavoj reputacyi.
Ciapier dziełavoj reputacyi buduć škodzić nie tolki prafiesijnyja momanty. Atestacyju naŭrad ci zmohuć prajści tyja, chto ŭdzielničaŭ u pratestach ci navat pisaŭ niejkija «niapravilnyja» kamientary ŭ internecie. Zhodna z novaj pastanovaj, dziełavuju reputacyju dyskredytujuć:
-
udzieł u niesankcyjanavanych masavych mierapryjemstvach, parušeńnie ŭstanoŭlenaha paradku praviadzieńnia schodaŭ, mitynhaŭ, vuličnych šeściaŭ, demanstracyj, pikietavańnia, inšych masavych mierapryjemstvaŭ, a taksama publičnyja zakliki da arhanizacyi ci praviadzieńnia takich z parušeńniem ustanoŭlenaha paradku ich arhanizacyi ci praviadzieńnia;
-
udzieł u lubym vidzie dziejnaści, nakiravanym na dyskredytacyju Respubliki Biełaruś, orhanaŭ dziaržaŭnaj ułady i kiravańnia (uklučajučy asabisty ŭdzieł, pasiarednictva albo supracoŭnictva šlacham akazańnia pasłuh, rehistracyju ŭ ekstremisckich farmiravańniach, raspaŭsiud infarmacyjnaj pradukcyi, uklučanaj u respublikanski śpis ekstremisckich materyjałaŭ, a taksama vyrab, vydańnie, zachoŭvańnie albo pieravozku ŭ metach raspaŭsiudu takoj infarmacyjnaj pradukcyi).
Pad ekstremisckimi materyjałami ŭ Biełarusi razumiejucca ŭ tym liku naviny i teksty ź niezaležnych ŚMI. Heta značyć, što bankiry ciapier ryzykujuć stracić atestaty i mahčymaść zajmać pasady načalnikaŭ prosta za zvyčajnyja reposty ci łajki ŭ internecie. Nie kažučy ŭžo pra lubuju inšuju palityčnuju aktyŭnaść.
Ciapier čytajuć
Z prajekta budaŭnictva minskaha mietro vykinuli jašče dźvie stancyi — «Kijeŭski skvier» i «Politechničnuju»5
Z prajekta budaŭnictva minskaha mietro vykinuli jašče dźvie stancyi — «Kijeŭski skvier» i «Politechničnuju»
Aktor Toŭścikaŭ: Na pakazie, kali pryjšli zbolšaha rasijskija hledačy — publika śmiajałasia. A kali byli biełarusy, Cichanoŭskaja — stajała poŭnaja cišynia11
Kamientary
Oni tak vsio razvalivajut, hdie načinajut otbirať po łojalnosti i priedannosti łukašienko i jeho sieḿje.
Vied́ priedanyje i łojalnyje - nieumnyje, nieaktivnyje, paśsivnyje, płocho obrazovannyje, prisposoblency i lentiai.