Vyznačyŭsia pieršy supiernik nacyjanalnaj zbornaj Biełarusi ŭ hetym hodzie. 26 sakavika jana sustreniecca sa zbornaj Kipra, paviedamiła Biełaruskaja fiederacyja futboła.
Za ŭsiu raniejšuju historyju zbornyja Biełarusi i Kipra sustrakalisia dva razy, i kožny raz heta byli tavaryskija matčy. 18 lutaha 2004 hoda pieramohu atrymała Biełaruś ź likam 2:0, a 19 listapada 2008‑ha Kipr ź likam 2:1.
U ciapierašnim rejtynhu FIFA zbornaja Kipra zajmaje 128‑ie miesca, a Biełaruś — 99-je. U apošniaj jeŭrapiejskaj kvalifikacyi čempijanatu śvietu — 2026 Kipr zaniaŭ 4‑ie miesca ŭ svajoj hrupie ź piaci kamand, nabraŭšy 8 ačkoŭ: dvojčy pieramoh San-Maryna (2:0 i 4:0) i zhulaŭ uničyju z Rumynijaj (2:2) i Bośnijaj i Hiercahavinaj (2:2).
Matč pačniecca 26 sakavika ŭ 20:00 pa biełaruskim časie. Sustreča dakładna adbudziecca na Kipry, dakładnaje miesca praviadzieńnia vyznačycca paźniej.
Heta budzie pieršy matč biełaruskaj zbornaj pad kiraŭnictvam novaha hałoŭnaha treniera Viktara Hančarenki.
«Jana daŭnavata ŭ Biełarusi». Baćka Anžaliki Mielnikavaj pryznaŭsia, što jana žyvaja i zdarovaja90
Kamientary