Tramp zajaviŭ, što bolš nie abaviazany dumać pra mir, bo jamu nie ŭručyli Nobieleŭskuju premiju miru
Prezident ZŠA Donald Tramp u liście premjer-ministru Narviehii Jonasu Haru Ściore rezka vykazaŭsia pra Jeŭropu i Daniju i znoŭ uźniaŭ temu Hrenłandyi.
«Ja bolš nie adčuvaju siabie abaviazanym dumać vyklučna pra mir, choć jon zaŭsiody budzie mieć pieršasnaje značeńnie. Zamiest hetaha ja ciapier mahu dumać pra toje, što dobra i darečy dla Złučanych Štataŭ Amieryki», — napisaŭ Tramp.
U liście prezident ZŠA naŭprost źviazvaje svaju pazicyju z tym, što nie atrymaŭ Nobieleŭskuju premiju miru.
«Vaša kraina vyrašyła nie prysudžać mnie Nobieleŭskuju premiju miru za toje, što ja zaviaršyŭ vosiem i bolš vojnaŭ», — napisaŭ jon Ściore.
Asobny błok lista pryśviečany Hrenłandyi. Na dumku Trampa, Danija nie zdolnaja abaranić vostraŭ «ni ad Rasii, ni ad Kitaja».
«Dy i čamu ŭ ich naohuł jość prava ŭłasnaści na jaje? Niama nijakich piśmovych dakumientaŭ — tolki toj fakt, što tam sotni hadoŭ tamu vysadziłasia łodka. Ale i ŭ nas taksama byli łodki, jakija tam vysadžvalisia», — dadaŭ Tramp.
U kancy lista prezident ZŠA paŭtaryŭ svaju pahrozu i adznačyŭ, što śviet nie budzie ŭ biaśpiecy da taho času, pakul ZŠA nie atrymajuć «poŭny i tatalny kantrol nad Hrenłandyjaj».
Ciapier čytajuć
«Jana daŭnavata ŭ Biełarusi». Baćka Anžaliki Mielnikavaj pryznaŭsia, što jana žyvaja i zdarovaja100
Kamientary