Za raspalvańnie nianaviści da biełarusaŭ u Litvie sudziać prarasijskaha aktyvista
Błohiera taksama vinavaciać u apahańvańni miemaryjała achviaram režymu Łukašenki kala biełaruskaj ambasady ŭ Vilni.
Łaŭrynas Rahielskis publična abražaŭ biełarusaŭ i jaŭrejaŭ, taksama jon nieadnarazova prychodziŭ da stychijnaha miemaryjała kala ambasady Biełarusi ŭ Vilni, dzie raskidvaŭ i źnievažaŭ partrety ludziej, jakija zahinuli ad režymu Łukašenki.
Kryminalnaja sprava suprać Rahielskisa była pieradadzienaja ŭ sud jašče ŭ 2022 hodzie, adnak praces zaciahnuŭsia na hady. Prarasijski aktyvist, jaki vydatna vałodaje litoŭskaj movaj, demanstratyŭna patrabavaŭ pierakładčyka na ruskuju i pierakładu ŭsich materyjałaŭ spravy. Jon šeść razoŭ mianiaŭ advakataŭ, sprabavaŭ dać advod sudździ, zasypaŭ sud chadajnictvami.
Prakuratura patrabuje dla Rahielskisa abmiežavańnia voli na 1 hod i 9 miesiacaŭ z abaviazkovym našeńniem elektronnaha branzaleta i štraf u pamiery 12 500 jeŭra.
Taksama prakuror prosić zabaranić Rahielskisu naviedvać mierapryjemstvy biełaruskaj dyjaspary, zabaranić jamu karystacca sacsietkami na ŭvieś termin pakarańnia.
Departamient dziaržbiaśpieki Litvy charaktaryzuje Rahielskisa jak «palityčnaha marhinała», jaki aktyŭna supracoŭničaje ź biełaruskimi prapahandystami i kuryruje antyzachodnija i prarasijskija resursy na litoŭskaj movie.
U aŭtorak, 20 studzienia, vilenskaja palicyja pavinna była dastavić Rahielskisa na sudovaje pasiadžeńnie, ale nie zmahła.
Palicyja paviedamiła sudu, što dźviery im adčyniła žonka błohiera. Jana skazała, što jaje muža niama doma z učorašniaha dnia i što jana nie viedaje, dzie jon znachodzicca.
Palicyja patelefanavała abvinavačanamu, ale toj nie adkazaŭ.
Sudździa vyrašyŭ pakul nie ŭžyvać najbolš strohuju mieru strymańnia — aryšt — i pasprabavać z dapamohaj palicyi dastavić abvinavačanaha na nastupnaje pasiadžeńnie. Jano pryznačanaje na 2 lutaha.
«U jaho jość pastajannaje miesca žycharstva, dzieci, jon žanaty. Spadziajusia, što Rahielskis budzie padtrymlivać suviaź ź siamjoj, mahčyma, jon źjechaŭ na adzin dzień u kamandziroŭku», — skazaŭ sudździa.
-
Prapanujuć biaspłatna pažyć na vyśpie la bierahoŭ Uelsa — tym, chto hatovy ličyć tupikaŭ i inšych žyvioł
-
Izrail vysyłaje «Lekaraŭ bieź miežaŭ» ź siektara Haza. Miedyki admovilisia davać imiony svaich ludziej u ruki siłavikoŭ, aścierhajučysia represij suprać piersanału
-
Abaranić Izrail i arabskich sajuźnikaŭ. ZŠA nie ŭdarać pa Iranie, pakul nie załatajuć dzirki ŭ SPA
Ciapier čytajuć
Učora — u łukašenkaŭskaj turmie, siońnia — u Kijevie dapamahaje ŭkraincam vyžyć. Były palitviazień i svajak Cichanoŭskaj staŭ vałancioram u Punkcie niazłomnaści66
Učora — u łukašenkaŭskaj turmie, siońnia — u Kijevie dapamahaje ŭkraincam vyžyć. Były palitviazień i svajak Cichanoŭskaj staŭ vałancioram u Punkcie niazłomnaści6
Chočacie žyć doŭha — šukajcie rajon z narmalnymi drevami. Navukoŭcy vyśvietlili, što drevy ratujuć ad infarktaŭ, a hazony mohuć navat naškodzić zdaroŭju33
Kamientary
Ja nie prychilnik dyktatury, ja prosta kanstatuju vidavočnaje ... na vialiki-vialiki moj žal.