Sioleta pravasłaŭnaje duchavienstva ŭpieršyniu nie ŭdzielničała ŭ malitvie za adzinstva chryścijan
Sioleta ŭpieršyniu ni ŭ adnoj katalickaj parafii Biełarusi śviatary Pravasłaŭnaj carkvy nie ŭdzielničali ŭ ekumieničnym nabaženstvie z nahody Tydnia malitvy ab adzinstvie chryścijan. Takoj ža była situacyja ŭ Rasii, dzie malitvy z pradstaŭnikami inšych kanfiesij prajšli ŭ Maskvie i inšych haradach biez pravasłaŭnaha duchavienstva (akramia Kalininhrada), piša Katolik.life.
Tolki va Ukrainie da inicyjatyvy dałučylisia pravasłaŭnyja — ale nie UPC Maskoŭskaha patryjarchatu, a PCU, archijepiskap jakoj udzielničaŭ u nabaženstvie ŭ kaściole śviatoha Mikałaja ŭ Kijevie.
Ekumieničnaje spatkańnie ŭ Zasłaŭi z udziełam arcybiskupa-emieryta Tadevuša Kandrusieviča ŭvohule sioleta nie adbyłosia, jak daviedalisia vierniki. Jano było anansavanaje na 25 studzienia. U hety dzień ijerarch celebravaŭ u kaściole śviatuju Imšu, paśla čaho była zapłanavanaja malitva ab adzinstvie chryścijan, na jakuju zaprašali pradstaŭnikoŭ inšych kanfiesij.
Letaś mienavita ŭ Zasłaŭi, a nie ŭ Minsku ładzili ekumieničnaje nabaženstva, u jakim udzielničali śviatar miascovaha pravasłaŭnaha prychoda i arcybiskup Kandrusievič. Tady paviedamlałasia, što z 2025 hoda arhanizatary vyrašyli ładzić ekumieničnaje nabaženstva nie ŭ stalicy, a ŭ roznych parafijach archidyjacezii, kab uklučyć ich u hetu inicyjatyvu.
Adnak u 2026 hodzie malitvu ab adzinstvie chryścijan znoŭ praviali ŭ minskaj archikatedry — pry ŭdziele śvieckaha viernika BPC, a nie śviatara. Płanavałasia ekumieničnaja sustreča i ŭ Zasłaŭi, jak i letaś, z zaprašeńniem pravasłaŭnaha śviatara. Ale nabaženstva było admieniena — vierniki mohuć zdahadvacca ab pryčynie.
Toje, što va ŭsich troch krainach pradstaŭniki Maskoŭskaha patryjarchatu nie ŭdzielničali razam z katalikami ŭ malitvie ab adzinstvie chryścijan, moža śviedčyć pra toje, što heta było centralizavanaje rašeńnie, pryniataje ŭ Maskvie.
Praŭda, ekumieničnaje mierapryjemstva było taksama ŭ Hrodnie, dzie pravasłaŭny śviatar prysutničaŭ, ale nie ŭdzielničaŭ u nabaženstvie, a tolki začytaŭ pryvitańnie ad archijepiskapa miascovaj pravasłaŭnaj jeparchii.
Staršynia Bresckaha abłvykankama palez u pałonku, ale zabyŭ, u jaki bok chryściacca VIDEA
Manaški sa Śviata-Jelisaviecinskaha manastyra dabralisia da Šviecyi
Manach Juravickaha manastyra pamior u 37 hadoŭ
Pamiatajecie pravasłaŭnuju paru studentki i vykładčyka, dzie jon starejšy na 31 hod? Ciapier jany hramadzianie Izraila
Ciapier čytajuć
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»7
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»
Učora — u łukašenkaŭskaj turmie, siońnia — u Kijevie dapamahaje ŭkraincam vyžyć. Były palitviazień i svajak Cichanoŭskaj staŭ vałancioram u Punkcie niazłomnaści66
Učora — u łukašenkaŭskaj turmie, siońnia — u Kijevie dapamahaje ŭkraincam vyžyć. Były palitviazień i svajak Cichanoŭskaj staŭ vałancioram u Punkcie niazłomnaści6
Chočacie žyć doŭha — šukajcie rajon z narmalnymi drevami. Navukoŭcy vyśvietlili, što drevy ratujuć ad infarktaŭ, a hazony mohuć navat naškodzić zdaroŭju44
Kamientary
usie dumki maskavita vakoł ŁHBT, jakim bokam ŁHBT da Litvinskich (Biełaruskich) zboraŭ VKŁ ?