Palitviaźniaŭ pa ŭsioj krainie apytvajuć: paśla pamiłavańnia vy chočacie zastacca ŭ Biełarusi ci źjazdžać?
Płanami źniavolenych cikaviacca jak u kałonijach, tak i na chimijach.
U apošnija dni palitviaźniaŭ pa ŭsioj krainie vyklikajuć da administracyi papraŭčaj ustanovy, dzie jany znachodziacca, i raspytvajuć pra płany na žyćcio paśla mahčymaha vyzvaleńnia.
Pryčym siłaviki dazvalajuć viaźniam paviedamlać pra takija razmovy svaim svajakam pry zvankach i ŭ listach.
«Našaj Nivie» viadoma minimum pra čatyry ŭstanovy, dzie masava źbirali palitviaźniaŭ i apytvali na hetuju temu. Heta i kałonii dla tych, chto asudžany pieršy raz, i kałonii dla recydyvistaŭ, i chimii z nakiravańniem.
Nakolki možna zrazumieć z usich sabranych źviestak, źmiest razmovy adroźnivajecca, ale asnoŭnaje pytańnie datyčycca taho,
ci choča čałaviek vyjazdžać za miažu, ci choča zastavacca ŭ Biełarusi.
Pra heta apytvajuć i tych, kamu adnosna chutka vyzvalacca, i tym u kaho vialikija terminy.
Śviedčańniaŭ pra cisk pry vybary miž hetymi dvuma varyjantami niama.
Ci vyklikajuć na takija razmovy palitviaźniaŭ, jakija znachodziacca ŭ SIZA i pakul nie majuć sudovaha rašeńnia, pakul nieviadoma.
Na hety momant «Viaśnie» viadomyja imiony 1149 palitviaźniaŭ.
«Naša Niva» — bastyjon biełaruščyny
PADTRYMAĆ-
U Bierazinie pračnulisia pčoły. Dziaŭčynka, jakaja ich pabačyła, skaryła tyktok
-
«Biełarusy i ŭ Dubai biełarusy». Jak suajčyńniki arhanizavali dapamohu tym, chto nie moža viarnucca damoŭ praz zakrytaje nieba
-
«Pad kaniec adpačynku daviedalisia, što tut niama schoviščaŭ». Biełarusy, što znachodziacca ŭ AAE, raskazali, jak im tam ciapier
Pahražaŭ vajskoŭcam raskryć, chto ź ich homaseksuał, kab vypytać sakrety i pradać Ukrainie. Voś za što adyjozny funkcyjanier BRSM atrymaŭ 17 hadoŭ kałonii12
Kamientary
Ja dyzłajk nie staviła. Ale mnie zdajecca vy robicie paśpiešnyja vysnovy. Niama pryčyn dla aptymizmu(