80 tysiač žycharoŭ Biełharada zastalisia biez aciapleńnia paśla ŭdaru pa CEC
Vajna, raźviazanaja Kramlom, usio macniej adbivajecca na rasijskim pamiežžy.
Krytyčnaja situacyja skłałasia ŭ rasijskim pamiežžy paśla načnych abstrełaŭ i maštabnych avaryj na kamunalnych sietkach. U Biełharadzie kala 80 tysiač čałaviek zastajucca bieź ciepłazabieśpiačeńnia ŭ lutaŭskija marazy. Hubiernatar vobłaści Viačasłaŭ Hładkoŭ paviedamiŭ, što akramia prablem z aciapleńniem, kala troch tysiač haradžan pazbaŭleny hazu, a jašče tysiača žycharoŭ znachodzicca biez elektryčnaści.
Kałaps pačaŭsia paśla rakietnaha ŭdaru, metaj jakoha stała CEC «Łuč». Heta vyklikała błekaŭt, jaki pieraros u sistemnuju avaryju: pry sprobach padklučyć sietki pačalisia šmatlikija razryvy trub i paŭtornyja karotkija zamykańni.
Niahledziačy na zajavy ŭładaŭ pra «hieraičnyja namahańni» enierhietykaŭ, aciapleńnie ŭ damy tak i nie viarnułasia. Kab vyratavać ludziej ad pieraachaładžeńnia, u horadzie razharnuli punkty abahrevu, u tym liku ŭ budynkach urada, fiłarmonii i miascovaj administracyi.
Adnačasova z hetym pad udar trapiła i Branskaja vobłaść. Pavodle zajavy hubiernatara Alaksandra Bahamaza, rehijon byŭ atakavany rakietami «Niaptun» i HIMARS. U vyniku abstrełu ŭ siami nasielenych punktach vobłaści całkam źnikła śviatło, paviedamlajecca taksama pra dvuch paciarpiełych mirnych žycharoŭ.
Kamientary
Sami padumajcie, kali zaraz na froncie znachodzicca miljon rasiejskich vajskoŭcaŭ (a jany ŭsie čyiści mužy, baćki, braty, syny, siabry), to kolki siarod mirnych žycharoŭ Rasiei realna mirnych. A nie rodzičaŭ akupantaŭ.