Byłoha ministra enierhietyki Ukrainy abvinavacili ŭ admyvańni hrošaj
NABU i SAP pradjavili abvinavačańnie eks-ministru enierhietyki Ukrainy Hiermanu Hałuščanku. Byłomu čynoŭniku inkryminavana admyvańnie srodkaŭ i ŭdzieł u złačynnaj arhanizacyi.
U noč 15 lutaha eks-ministra enierhietyki Ukrainy zatrymali pry sprobie źjechać z krainy. Pamiežniki mieli zapyt ad śpiecsłužbaŭ adnosna Hałuščanki — dla atrymańnia infarmacyi ŭ vypadku jaho sproby pierasiekčy miažu. Takaja praktyka ŭžyvajecca, kali čałaviek fihuruje ŭ kryminalnych spravach.
Pavodle danych antykarupcyjnych orhanaŭ, udzielniki złačynnaj arhanizacyi ŭ 2021 hodzie zarehistravali na vostravie Anhilja fond, jaki pavinien byŭ pryciahnuć kala 100 miljonaŭ dołaraŭ inviestycyj. Siarod inviestaraŭ była i siamja Hałuščanki, ale jaho ŭdzieł u fondzie byŭ schavany praz łancužok kampanij, a ich bienieficyjarami stali byłaja žonka i čaćviora dziaciej čynoŭnika.
Zatym udzielniki złačynnaj arhanizacyi pačali pieraličvać na rachunki fondu, adkrytyja ŭ troch šviejcarskich bankach, srodki «ŭ intaresach padazravanaha». Takim čynam było pieraličana bolš za 7,4 miljona dołaraŭ. Jašče bolš za 1,3 miljona šviejcarskich frankaŭ i 2,4 miljona jeŭra vydali najaŭnymi i pieraličyli siamji Hałuščanki napramuju ŭ Šviejcaryi.
Častku hetych srodkaŭ vydatkavali na apłatu navučańnia ŭ prestyžnych ustanovach Šviejcaryi i raźmiaścili na rachunkach byłoj žonki padazravanaha. Astatnija pakłali na depazit, ź jakoha siamja atrymlivała dadatkovy dachod.
Hałuščanka źjaŭlajecca, razam ź biznesmienam Cimuram Mindzičam, adnym z klučavych fihurantaŭ karupcyjnaj spravy ŭ najbližejšym atačeńni Uładzimira Zialenskaha.
U listapadzie minułaha hoda Hałuščanku adpravili ŭ adstaŭku, adnak jon byŭ na voli.
Ciapier čytajuć
Pahražaŭ vajskoŭcam raskryć, chto ź ich homaseksuał, kab vypytać sakrety i pradać Ukrainie. Voś za što adyjozny funkcyjanier BRSM atrymaŭ 17 hadoŭ kałonii5
Kamientary
Pry pryznačeńni ni ofis Kijeva ni sbU hru ni źviartali uvahu ni ličyli heta ...sumnieŭnym ..kiejsam))))