Załataja truna, vianki ŭ formie pieŭniaŭ. U Mieksicy pachavali El Mienča — lidara narkakartela
Niemiesia Asiehieru Siervantesa pachavali pad huki arkiestra, jaki vykonvaŭ narkakarydas.
U Mieksicy prajšło pachavańnie El Mienča — lidara narkakartela «Novaje pakaleńnie Chaliska», zabitaha ŭ kancy lutaha ŭ chodzie śpiecapieracyi mieksikanskich siłavikoŭ. Niemiesia Asiehieru Siervantesa (heta sapraŭdnaje imia El Mienča) pachavali ŭ załatoj trunie pad huki arkiestra, jaki vykonvaŭ narkakarydas, piša Bi-bi-si.
59‑hadovy Siervantes pamior 22 lutaha ad ranieńniaŭ, atrymanych u vyniku pierastrełki pamiž jaho ciełaachoŭnikami i bajcami śpiecpadraździaleńniaŭ, nakiravanych dla jaho zatrymańnia.
Zasnavalnik sumna viadomaha narkakartela «Novaje pakaleńnie Chaliska» byŭ samym šukanym čałaviekam u Mieksicy, a ŭłady ZŠA prapanoŭvali za infarmacyju, jakaja pryviała b da jaho aryštu, uznaharodu 15 młn dalaraŭ.
Śmierć El Mienča vyliłasia ŭ biesparadki pa ŭsioj Mieksicy: členy kartela padpalvali aŭtamabili i pierakryvali darohi ŭ 20 štatach krainy.
Padčas pyšnaha pachavańnia niepadalok ad Hvadałachary — u štacie Chaliska, apornym punkcie kartela — ułady ŭzmacnili miery biaśpieki, vyvieŭšy na vulicy dadatkovyja padraździaleńni Nacyjanalnaj hvardyi.
Pierad pačatkam cyrymonii ŭ pachavalnuju zału zanieśli vialikija kvietkavyja kampazicyi, u tym liku ŭ formie pieŭnia — namiok na viadomuju straść niabožčyka da pieŭnievych bajoŭ.
Śpiecapieracyja suprać Siervantesa stała bujnym pośpiecham dla administracyi prezidenta Mieksiki Kłaŭdzii Šejnbaum, jakaja znachodzicca pad pastajannym ciskam z boku Donalda Trampa, jaki patrabuje ad susiedniaj krainy realnych vynikaŭ u baraćbie z narkabiźniesam.
Adnak ekśpierty aścierahajucca, što hibiel El Mienča stvoryć vakuum ułady i spravakuje novy ŭsplosk hvałtu: frakcyi ŭnutry šmattysiačnaha narkakartela mohuć pačać kryvavuju mižusobicu za kantrol nad impieryjaj Siervantesa.
Ciapier čytajuć
Jak vyhladaje stylovy dom novaj rektarki Akademii mastactvaŭ koštam paŭmiljona dalaraŭ3
Jak vyhladaje stylovy dom novaj rektarki Akademii mastactvaŭ koštam paŭmiljona dalaraŭ
Pahražaŭ vajskoŭcam raskryć, chto ź ich homaseksuał, kab vypytać sakrety i pradać Ukrainie. Voś za što adyjozny funkcyjanier BRSM atrymaŭ 17 hadoŭ kałonii1212
Kamientary