U Rasii pačali štrafavać nie za padpiski, a za pošuk «ekstremisckich materyjałaŭ»
U Rasii pačali pryciahvać da administracyjnaj adkaznaści za pošuk «ekstremisckich materyjałaŭ». Viadoma pra try takija štrafy, piša vydańnie «Viorstka».
Tak, 5 lutaha sud u Čačni aštrafavaŭ miascovaha žychara Isu Mahamadava za pošuk «ekstremisckich materyjałaŭ». Suma štrafu i akaličnaści spravy nieviadomyja. Raniej Mahamadaŭ pracavaŭ u pryvatnym achoŭnym pradpryjemstvie «Alfa-Lehijon», zasnavalnikami jakoha źjaŭlajucca členy Asacyjacyi vieteranaŭ śpiecnaza «Alfa».
Raniej u lutym kamisija pa spravach niepaŭnaletnich aštrafavała na try tysiačy rasijskich rubloŭ (110 biełaruskich) 16‑hadovaha padletka z Kiemieraŭskaj vobłaści za pošuk infarmacyi pra «arhanizacyju, pryznanuju terarystyčnaj».
Pieršy štraf (taksama kala 110 biełaruskich rubloŭ) byŭ vyniesieny 10 śniežnia 2025 hoda — žycharu Kamienska-Uralskaha Śviardłoŭskaj vobłaści. Miedbrata Siarhieja Hłuchich pakarali za prahlad vyjavy šeŭrona bataljona «Azoŭ».
Ciapier čytajuć
«Jana daŭnavata ŭ Biełarusi». Baćka Anžaliki Mielnikavaj pryznaŭsia, što jana žyvaja i zdarovaja115
Kamientary
Naprykład, nie karystajciesia Jandeks-Pošukam, Alisaj i pa mahčymaści inšymi ich servisami. Nie budźcie załahinienymi ŭ jandeksie abo jaho pošcie. Kali vielmi treba, to zajdzicie z pryvatnaj siesii braŭziera i praz VPN.
Jandeks nie chavaje, što źbiraje infarmacyju ab karystalnikach i što addaje jaje pa zapytach dziaržaŭnych ustanoŭ RF.