Z prychodam viasny i rastavańniem śniehu ŭ biełaruskich dvarach pakazałasia niepryvabnaja karcina. Žycharka stalicy apublikavała fota z vulicy Cnianskaj, 13, dzie ziamla pad bałkonami litaralna zavalena ščylnym płastom niedakurkaŭ.
«Šmat kamientaroŭ na temu, jak sabački zahadzili ŭsiu akruhu… Voś pahladzicie, jak «čałavieki» pavodziać siabie ŭ socyumie. Minsk, vuł. Cnianskaja, 13. Vid pad bałkonam», — napisała Ludmiła Rutkoŭskaja i apublikavała šakujučy zdymak.
Kamientatary, u jakich chapiła ironii, zaŭvažali, što na fota, vierahodna, vynik prahułki «sabak, što kuryli».
Adnak ahulny nastroj kamientataraŭ davoli rezki: mnohija ličać, što ludzi, jakija vykidvajuć śmiećcie z voknaŭ, i tyja, chto nie prybiraje za svaimi hadavancami, znachodziacca na adnym uzroŭni vychavańnia, i što heta absalutnaje śvinstva, jakoje ciapier možna pabačyć amal na kožnym kroku.
Kamientary