З прыходам вясны і раставаннем снегу ў беларускіх дварах паказалася непрывабная карціна. Жыхарка сталіцы апублікавала фота з вуліцы Цнянскай, 13, дзе зямля пад балконамі літаральна завалена шчыльным пластом недакуркаў.
«Шмат каментароў на тэму, як сабачкі загадзілі ўсю акругу… Вось паглядзіце, як «чалавекі» паводзяць сябе ў соцыуме. Мінск, вул. Цнянская, 13. Від пад балконам», — напісала Людміла Руткоўская і апублікавала шакуючы здымак.
Каментатары, у якіх хапіла іроніі, заўважалі, што на фота, верагодна, вынік прагулкі «сабак, што курылі».
Аднак агульны настрой каментатараў даволі рэзкі: многія лічаць, што людзі, якія выкідваюць смецце з вокнаў, і тыя, хто не прыбірае за сваімі гадаванцамі, знаходзяцца на адным узроўні выхавання, і што гэта абсалютнае свінства, якое цяпер можна пабачыць амаль на кожным кроку.
Цяпер чытаюць
«Месяцамі ў кабіне, на сябе забіў. І стаў пытаць: можа, жонка таксама будзе працаваць?». Чаму эміграцыя разбівае сем’і і што рабіць, каб усё паправіць22
Каментары