Va Ukrainie pakazali, jak udaryli pa zavodzie «Kremnij Eł» u Bransku VIDEA
Siły abarony Ukrainy nanieśli ŭdar rakietami pavietranaha bazavańnia Storm Shadow pa zavodzie mikraelektroniki «Kremnij Eł» u Bransku. Udar byŭ častkaj dziejańniaŭ, nakiravanych na źnižeńnie vajskova-ekanamičnaha patencyjału Rasii, paviedamiŭ Hienieralny štab Uzbrojenych sił Ukrainy.
Paviedamlajecca, što ŭ cel paśpiachova patrapili, a vytvorčyja mahutnaści pradpryjemstva atrymali značnyja paškodžańni. Dakładny maštab naniesienych strataŭ pakul udakładniajecca.
Pavietranuju raźviedku pierad udaram pravodziła padraździaleńnie asobnaha pałka bieśpiłotnych sistem «Rejd».
Zavod «Kremnij Eł» ličycca važnym pradpryjemstvam u vytvorčym łancužku rasijskaha vysokadakładnaha ŭzbrajeńnia. Jon śpiecyjalizujecca na vypusku dyskretnaj paŭpravadnikovaj techniki i intehralnych mikraschiem, jakija vykarystoŭvajucca ŭ sučasnych sistemach uzbrajeńnia, u tym liku ŭ rakietach «Iskander».
Jak paviedamiŭ hubiernatar Branskaj vobłaści Alaksandr Bahamaz, padčas ataki zahinuli 6 čałaviek, 37 paciarpieli.
U čym pryčyna niezadavolenaści žycharoŭ mikrarajona Lebiadziny ŭ Minsku? Voś što nasamreč tam płanavali budavać6
U čym pryčyna niezadavolenaści žycharoŭ mikrarajona Lebiadziny ŭ Minsku? Voś što nasamreč tam płanavali budavać
Babaryka turemščykam: «U mianie było, ciapier niama, ale jość šaniec, što budzie. A ŭ vas nie było, niama i nie budzie. I ŭ vašych dziaciej nie budzie»99
Kamientary