Pančochi razładu: Mark Formelle znoŭ apynuŭsia ŭ centry skandału. Što na hety raz zdaryłasia?
Papularny biełaruski brend Mark Formelle anansavaŭ vypusk «pančoch mary». Adasłaŭ ich błohierkam, a paśla… Sacsietki nie ścichajuć užo niekalki dzion.
Pačałasia historyja z taho, što ŭ hetym siezonie stali papularnymi tonkija čornyja pančochi z vyraznym švom napieradzie (jakija nahadvajuć kampresijnyja).
Ideju padchapili šmatlikija inšyja brendy. Na radaść biełaruskim modnicam pra vypusk trendavych pančoch pačaŭ kazać i ajčynny vytvorca Mark Formelle.
Kab padahreć hramadskuju ŭvahu, brend razasłaŭ błohierkam pančochi, jakija jašče nie źjavilisia ŭ prodažy. Ale, imavierna, ź intryhaj pijarščyki Mark Formelle pierastaralisia.
Biełaruska Alena Rybakova raspaviała ŭ Threads pra niepryjemnuju situacyju. Spačatku jana pabačyła pančochi mary ŭ raspakoŭcy adnoj błohierki. Na pytańnie, dzie ž atrymałasia nabyć takija, influensierka nie adkazała.
Tady Alena pačała samastojna šukać tyja pančochi Mark Formelle, ale ni na aficyjnym sajcie kampanii, ni ŭ sacsietkach, ni na markietpłejsach tych nie było.
Nastojlivaja pakupnica dvojčy napisała svajo pytańnie i ŭ instahramie biełaruskaha brendu — ale i tam jaje čamuści praihnaravali. I raptam Alena znoŭ pabačyła ŭ instahramie raspakoŭku tych samych pančoch.
Na hety raz navinku rekłamavała błohierka Ira MisMo (na jaje staronku ŭ instahramie padpisana 274 tysiačy čałaviek). Darečy, letaś jana pryciahvała ŭvahu tym, što pradavała padpisčycam videa, u jakich raspaviadała, jak chłopiec skraŭ u jaje 25 tysiač dalaraŭ.
Alena vyrašyła znoŭ pasprabavać vyśvietlić, dzie ž kupić tyja samyja pančochi.
Błohierka adreahavała davoli ahresiŭna i pacikaviłasia: «Vas cikaviać pančochi z majoj nahi? Mnie ich lepš panasić ci pamyć?». Takoj chamski adkaz Alenu ździviŭ. Jana jašče raz udakładniła, što joj vielmi padabajucca pančochi Mark Formelle, ale jana nidzie nie moža ich znajści. Na što atrymała: «Adkul ja pavinna viedać?».
Historyja vyklikała aktyŭnaje abmierkavańnie ŭ sacsietkach. Asnoŭny dopis Aleny ŭ Threads za dva dni nabraŭ bolš za 375 tysiač prahladaŭ i 1,3 tysiačy kamientaroŭ.
Bolšaść ludziej padtrymlivali Alenu, adznačali aficyjny akaŭnt Mark Formelle i raili brendu bolš uvažliva vybirać błohieraŭ dla sumiesnaj pracy.
Pradstaŭniki Mark Formelle na krytyku ŭ vyniku adkazali: «Prynosim prabačeńni, što nie adkazali adrazu. Nakont pančoch: my zaraz jakraz pracujem nad ich vytvorčaściu. Jak tolki partyja pastupić u prodaž, my adrazu raskažam pra heta ŭ našych sacsietkach! Sačycie za navinami, kab dakładna nie prapuścić».
Ludzi aburylisia tym, što brend pačaŭ rekłamavać pančochi minimum za miesiac da taho, jak jany buduć adšyty: «Ja paśla hetaj storys pajšła na sajt, vydatkavała kuču času, kab znajści hetyja pančochi, a ich akazvajecca jašče nie vypuścili. Uličvajučy, što pakupki praz błohieraŭ čaściej za ŭsio ździajśniajucca na emocyjach, z takimi emocyjami ŭžo, napeŭna, dziakuj nie treba».
Aburalisia i tym, što, zamiest taho, kab pačać źbirać pieradzamovy, Mark Formelle paraiŭ sačyć za svaimi navinami. Pytańni da błohierak, jakija faktyčna stanoviacca tvarami brendu, taksama zastalisia. Bo skarhu patencyjnaj pakupnicy na MisMo Mark Formelle faktyčna praihnaravaŭ.
Kaniešnie, skandał dakaciŭsia i da samoj błohierki, jakaja vyrašyła parazmaŭlać z Alenaj. I znoŭ kamunikacyja atrymałasia nie vielmi pryhožaj, bo MisMo spytała: «Vy realna chočacie prynieści ŭ hety dzień ch*vy nastroj ludziam? Heta vaša karyść śvietu?».
U vyniku praź dzień pradstaŭniki Mark Formelle źviazalisia z Alenaj i paviedamili, što chočuć joj padaryć boks z navinkami, dzie buduć taksama trendavyja pančochi.
MisMo tym časam praciahvaje ździekavacca ź situacyi i sprabuje pradać svaje skandalnyja pančochi ad Mark Formelle — abiacaje, što sama pryviazie ich pakupnicy ŭ Minsku. Błohierka ładzić aŭkcyjon u storys — pakul maksimalnaja staŭka 80 rubloŭ.
Prakamientavała situacyju i viadomaja błohierka Hanna Bond: «Ja ŭžo a*ła ad dopisaŭ i nyćcia pra hetyja pančochi. Uražańnie, što žančyny znajšli siabie ch*r viedaje dzie, kab tak prynižacca za sr*nyja pančochi. Heta ŭžo nie pijar pančocha, kampanii ci čm*ha błohiera — heta pančošnaje varjactva, jakoje zychodzić ad vas — maje darahija dziaŭčyny. Horšaha prahrevu h*na pančošnaha ja jašče nie bačyła nikoli».
A inšyja biełarusy, jakija nie pierastajuć ździŭlacca ŭzroŭniu kryndžovaści situacyi, pačali zapisvać žartaŭlivyja roliki pra pančochi mary.
Chakiejny kłub «Dynama-Minsk» pravioŭ «žanočy matč» z padarunkami — i davieŭ zaŭziatarak da šalenstva
Biełaruski aburanyja: Luxvisage vypuściŭ advent-kalandar, ale nabyć jaho ŭ Biełarusi nielha — tolki zamović z Rasii
Palito za 790 rubloŭ ad biełaruskaha brenda chutka sapsavałasia. Klijentcy paraili zafarbavać paciortaści śpiecyjalnym markieram
Kamientary
Tiepieŕ čułki zaletiat,kak horiačije pirožki.
Chomiački chavajut,błohiery zarabatyvajut.
Naš idoł- dieńhi.
V razrabotkie draki za čułki v offłajn mahazinach,śleditie za Trieds.