Nie tolki ŭ Biełarusi. Prodažy kitajskich aŭto ŭ Jeŭropie rastuć šalonymi tempami

Rynak Biełarusi ŭžo pad kitajskimi brendami

Pa vynikach prodažaŭ novych aŭto ŭ Biełarusi 6 z 10 marak u top-10 prypadała na aŭtamabili kitajskich brendaŭ. Na pieršym miescy — kitajska-biełaruskija Geely/Belgee. Ahułam na ich pryjšłosia amal 32 tysiačy aŭto.

Ale i čysta kitajskich mašyn pradałosia šmat:
— BYD — 6610;
— Dongfeng — 5040;
— Voyah — 2530;
— Li Auto — 2230.

Pavialičyć

I kali ŭ Biełarusi luboŭ da kitajskich marak šmat u čym źviazanaja z sankcyjami, to ŭ Jeŭropie kupla aŭto kitajskaj vytvorčaści — sprava całkam dobraachvotnaja.

Jak źmianiłasia situacyja ŭ Jeŭropie

Da biełaruskich pakazčykaŭ krainam Jeŭropy jašče daloka, ale rost popytu na kitajskija mašyny tam fienamienalny.

Tak, naprykład, kitajski vytvorca SAIC Motor, jakomu naležyć niekali brytanski brend MG, staŭ pieršym kitajskim vytvorcam, jaki realizavaŭ 1 młn aŭto ŭ krainach ES i Vialikabrytanii.

Ź ich bolš za 300 tysiač było pradadziena ŭ 2025 hodzie. Za minuły hod prodažy MG u Jeŭropie vyraśli na čverć.

Ale jašče bolšy pośpiech pakazaŭ spradviečny kitajski brend BYD: u krainach Jeŭropy jon pradaŭ na 268% mašyn bolš, čym u 2024 hodzie. Ahułam u krainach ES, JEAST i Brytanii letaś było pradadziena 187 657 aŭto marki BYD.

Pavialičyć

Aproč SAIC Motor (MG) i BYD, statysiačny rubiež pieraadoleŭ Chery Group: ich ahulny abjom prodažaŭ u Jeŭropie ŭ 2025 hodzie dasiahnuŭ 120 207 adzinak.

Prodažy Polestar u Jeŭropie vyraśli na 56% i skłali 47 579 adzinak.

Aproč ich, prodažy ŭ Jeŭropie naroščvajuć Geely, Zeekr i Lynk & Co: na hetyja try brendy letaś pryjšłosia 68 499 aŭto, realizavanych u Jeŭropie.

Letaś «kitajcy» zaniali 6,1% rynku novych aŭto ŭ Jeŭropie. Pad kaniec hoda, užo 9,5% pradadzienych novych mašyn u Jeŭropie byli kitajskimi. 

Dadatkovyja myty strymlivajuć rost

Pry hetym treba razumieć, što hety rost adbyvajecca va ŭmovach dziejańnia dadatkovych zaharadžalnych mytaŭ z boku Jeŭrapiejskaha sajuza.

Tak, z kanca 2024 hoda ŭ ES dziejničajuć dadatkovyja mytny na elektramabili, zroblenyja ŭ Kitai — u zaležnaści ad vytvorcy jany składajuć ad 17 da 35,3%.

Tamu asnoŭny rost prodažaŭ kitajskich aŭto ŭ ES adbyvajecca za košt hibrydaŭ, na jakija dziejničajuć standartnyja 10%-nyja myty.

I kali pastaŭki aŭto z Kitaja ŭ Jeŭropu rastuć, to ź Jeŭropy ŭ Kitaj — naadvarot padajuć. Užo ŭ sakaviku 2026 hoda stała viadoma, što pastaŭki kitajskich mašyn u Jeŭropu ŭpieršyniu pieravysili ekspart jeŭrapiejskaj aŭtapradukcyi ŭ KNR.

• 0
• 0
• 1
• 6
• 1
• 0
• 1
• 0