Žurnalisty znajšli mužčynu, jaki zasnuŭ u aŭtobusie sa ščaniukom na rukach, i za sutki staŭ zorkaj
Videa z mužčynam, jaki sałodka zasnuŭ u homielskim aŭtobusie sa ščaniukom na rukach, sabrała ŭžo bolš za dva miljony prahladaŭ. Žurnalisty «Mocnych Navin» adšukali hierojaŭ rolika i daviedalisia, jak miłaja scena zrabiła ich znakamitymi za sutki.
Hałoŭnaha hieroja zavuć Michaił. U toj dzień jon byŭ u siabie na leciščy ŭ pasiołku Illič. Pa rekamiendacyi susieda jon uziaŭ u susiednim domie ščaniuka.
«Dźvie dziaŭčynki, adna bolš šustraja, a druhaja trochi bajaźlivaja, ale vielmi mnie spadabałasia pa kolery, bo padobnaja na majho minułaha sabačku. Tamu ja vyrašyŭ zabrać jaje sabie i nazvaŭ Iryskaj», — uzhadvaje hamialčanin.
Na momant pajezdki ŭ aŭtobusie Iryska viedała haspadara mienš za sutki.
Mužčyna vielmi stamiŭsia paśla spraŭ na leciščy. Choć u jaho była z saboj pieranoska, jon vyrašyŭ trymać ščaniuka na rukach, kab małoj było spakajniej. Michaił navat pastaviŭ budzilnik, kab nie praspać svoj prypynak, i zadramaŭ — mienavita hety momant niechta z pasažyraŭ źniaŭ na videa.
Pieršaj Michaiła na videa paznała susiedka, a paśla paviedamleńni pasypalisia adno za adnym.
Sam hieroj stavicca da papularnaści ścipła i z humaram: «Kali b ja sam pabačyŭ takoje videa — prosta pastaviŭ by łajk sabačku i ŭsio».
Ciapier trochmiesiačnaja Iryska aktyŭna asvojvajecca ŭ novym domie i ŭžo vučyć kamandy.
Mahčyma, napieradzie ŭ jaje sapraŭdnaja artystyčnaja karjera: Michaił zajmajecca ŭ narodnym teatry i ŭžo razvažaje nad tym, kab vyvieści svaju lubimicu na scenu ŭ budučych pastanoŭkach.
Kamientary