Iranskaja apazicyja nie vychodzić na vulicy, bo ich zaniali ŭzbrojenyja prychilniki režymu ajatoł
Da šmatmiljonnych ŭzbrojenych sił «Basidž», jakija patrulujuć vulicy iranskich haradoŭ, dałučylisia hramadzianskija prychilniki.
Jany rehularna naviedvajuć mitynhi ŭ padtrymku ŭładaŭ i jeździać «aŭtakanvojem» sa ściahami, hučna ŭklučajučy relihijnuju muzyku, što akazvaje surjozny psichałahičny ŭpłyŭ, piša The Financial Times.
«Ja nie vajskoviec, jaki staić kala puskavych ustanovak i stralaje rakietami, ale mahu skazać vajennym: my abaraniajem vulicy, tak što možacie iści i zmahacca biez aściaroh», — skazaŭ adzin z udzielnikaŭ takich mierapryjemstvaŭ.
Heta dziaržaŭnaja palityka — da patrulavańnia vulic da zakančeńnia vajny svaich prychilnikaŭ zaklikajuć jak palityki, tak i vajennyja.
«Jany ŭsiudy. Amal kožnuju noč jany prajazdžajuć pobač z našym domam na aŭtamabilach z kałonkami, uklučajučy relihijnuju i revalucyjnuju muzyku, demanstrujučy svaju moc. Chto naohuł navažycca im supraćstajać?» — skazaŭ kinarežysior z Tehierana.
Kiraŭnik urada Izraila Bińjamin Nietańjachu nadaje vialikaje značeńnie pratestam, jakija mohuć dapamahčy źvierhnuć relihijna-fundamientaliscki režym, i rehularna zaklikaje irancaŭ vyjści na vulicy. The New York Times adznačaje, što Nietańjachu i Tramp raźličvali na taki scenar.
Jany spadziavalisia, što likvidacyja iranskaha kiraŭnictva i šerah raźviedvalnych apieracyj mohuć vyklikać masavaje paŭstańnie i chutka zaviaršyć vajnu. U vyniku zdahadka pra mahčymuju maštabnuju revalucyju stała, pa acency vydańnia, adnoj z klučavych pamyłak u padrychtoŭcy bajavoj apieracyi.
Kamientary
i haulajtier eto tožie znajet. v otličije ot rozovych poni, nadiejuŝichsia na protiesty s hołymi rukami protiv avtomatov i tankov.
A padčas narodnaj revalucyi źniešniaja dapamoha pa likvidacyi vidavočnych złačyncaŭ jakraz zdolnaja vyratavać los šmatpakutnaha naroda. Asabliva kali jana ŭsiaho tolki ŭraŭnavažvaje inšy zamiežny ŭpłyŭ.
Ciažka kazać pra Iran, ale dakładna viedaju krainy, dzie režym trymajecca na štykach i vonkavaj "dapamozie". Časam "humanitarnyja bambardyroŭki" zdolnyja vyratavać miljony losaŭ