Kuba vyzvalić 2 010 źniavolenych u ramkach «humanitarnaha i suvierennaha žestu», pra što było abvieščana ŭ čaćvier, na fonie praciahłaha palityčnaha cisku z boku ZŠA, piša Bi-bi-si.
Siarod vyzvalenych buduć zamiežnyja hramadzianie, moładź, žančyny i asoby, starejšyja za 60 hadoŭ, havorycca ŭ zajavie kubinskaj ambasady ŭ ZŠA.
Taksama adznačajecca, što vyzvaleńnie adbyvajecca «ŭ kantekście relihijnych śviatkavańniaŭ Vialikaha tydnia, što źjaŭlajecca zvyčajnaj praktykaj u našaj sistemie kryminalnaha pravasudździa».
Heta ŭžo druhi vypadak u hetym hodzie, kali Kuba abviaščaje ab vyzvaleńni źniavolenych. U sakaviku byli vyzvaleny 51 čałaviek paśla pieramoŭ z Vatykanam. U 2025 hodzie Kuba vyzvaliła 553 čałavieki ŭ ramkach damoŭlenaści, dasiahnutaj pry pasiarednictvie Vatykana i ZŠA.
Paśla viartańnia ŭ Bieły dom prezident ZŠA Donald Tramp vyrazna zajaviŭ pra svajo imknieńnie źmianić kiraŭnictva Kuby i ŭvioŭ naftavuju błakadu, što pryviało da surjoznaha deficytu paliva i maštabnych adklučeńniaŭ elektraenierhii pa ŭsioj krainie.
Na minułym tydni tankier, jaki naležyć rasijskaj kampanii i pieravoziŭ prykładna 730 000 baralaŭ syroj nafty, staŭ pieršaj pastaŭkaj nafty, što prybyŭ u adzin z partoŭ Kuby z pačatku studzienia.
Ciapier čytajuć
Łukašenka vykazaŭsia pra deficyt miedykaŭ i prapanavaŭ im pracavać bolš13
Kamientary
Sarkazm.